श्रीमती हत्याको आरोपमा श्रीमान् पक्राउ


प्रकाशित मिति :2020-01-20 21:37:13

मकवानपुर । आफ्नी श्रीमतीको हत्या आरोपमा हेटौंडा उपमहानगरपालिका–१८ दियावतीका यज्ञराज अधिकारीलाई प्रहरीले पक्राउ गरेको छ । २५ बर्षीया श्रीमती मिना अधिकारीको हत्याको आरोपमा मकवानपुर प्रहरीले हिजो आइतबार अधिकारीलाई पक्राउ गरेको हो ।

मिना माघ ५ गते बिहान घर नजिक खोल्सामा मिना मृत भेटिएको प्रहरीको भनाइ छ ।
मृतकका पतिले पटक–पटक पिट्दै आएको र उनको हत्या पनि उनैले गरेको भनी मिनाका माइती पक्षले यज्ञराज विरुद्ध किटानी जाहेरी दिएपछि प्रहरीले यज्ञराजलाई पक्राउ गरेको हो । मिनाका माइतीपक्षले माघ ५ गते नै किटानी जाहेरी दिएकाले यज्ञलाई गिरफ्तार गरी अनुसन्धान अघि बढाएको जिल्ला प्रहरी कार्यालय मकवानपुरका निमित्त प्रवक्ता प्रहरी निरिक्षक ललनकुमार कुर्मीले बताए ।

मृतकको शरीरका विभिन्न भागमा चोट र डाम देखिएकोले हत्या भएको हुनसक्ने प्रहरीले जनाएको छ । मृतकको हेटौंडा अस्पतालमा पोष्टमार्टम गरिएको छ ।

    Comment Here!

Related NEWS
मुख्य खबर
© 2015.All rights reserved by mahilakhabar.com
%d bloggers like this: