हटेन कुरीतिः तीन महिनामा पाँचको हत्या


प्रकाशित मिति :2020-01-21 17:25:45

–महिला खबर–

ललितपुर । गएको तीन महिनामा ४ प्रकारका कुरीतिका कारण देशभर ५ जनाको हत्या भएको छ । प्रथा र परम्पराका नाममा ज्यान गुमाउनेमा अधिकांश महिला छन् । कुरीति कै कारण महिला तथा दलित समुदाय शारीरिक तथा मानसिक हिंसाको शिकार भएका छन् ।

सोच नेपालले २०७६ असोज १४ गते देखि २०७६ पुस १५ (अक्टोवर १, २०१९ देखि डिसेम्बर ३१, २०१९) सम्म गरेको मिडिया सर्भेक्षण अनुसार यो तीन महिनामा कुरीति र अन्धविश्वासका कारण पाँच जनाले अकालमै ज्यान गुमाएका हुन् ।

सर्वेक्षणका अनुसार तीन महिनाको अवधिमा देशभर कुरीतिका कारण ५ सय २५ जना प्रभावित भएका छन् ।

यो अवधीमा जातीय छुवाछुतका १ सय ५, बालविवाहका ३ सय ३५, बहुविवाहका १२, दाइजो प्रथाका २, छाउपडीका ७, लिङ्ग विभेद प्रथाका ५५, बोक्सी प्रथाका ६, धार्मिक अन्धविश्वास वा अन्धविश्वासका ३ गरी ५ सय २५ जनामाथि मानसिक र शारीरीक हिंसा भएको हो ।

योे समयमा सुदुरपश्चिम प्रदेश कुरीतिका सबैभन्दा बढी मारमा परेको पाईएको छ । कुरीतिका कारण प्रदेश २ पनि उत्तिकै प्रभावित भएको पाईएको छ । सबैभन्दा कम कुरीतिका घटनाहरू प्रदेश ४ र ५ मा भएको पाईन्छ ।

यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए । छाउगोठमा बसे सरकारले कारबाही गर्ने डर र छाउगोठमा नबस्दा देउताको डरका कारण जनता अझ मानसिक आतंकमा परेको पाईएको छ ।

छाउपडी प्रथा अन्त्य गर्ने सरकारको अभियानलाई नागरिकले सम्मान गर्नु पर्दछ । तर छाउपडीलाई कम गर्नका लागि सर्वसाधारणको भौतिक सम्पत्ति नष्ट गर्न भन्दा पनि वैज्ञानिक सोचाईको प्रबद्र्धन गरी नागरिकलाई छाउपडी प्रथा जस्तो अन्धविश्वासबाट स्वस्फूर्त रुपमा मुक्त गर्नका लागि पहल गर्न आवश्यक रहेको सोच नेपालको भनाइ छ ।

अहिलेको वैज्ञानिक युगमा पनि परम्परा एवम् धर्म, सँस्कृतिका नाममा मान्छेमाथि हुने अमानवीय तथा अपमानजनक घटनाहरूलाई न्यूनीकरण गर्न सरोकारवालालाई झक्झकाउन तथा हरेक मान्छेले सम्मानपूर्बक बाच्न पाउँने अधिकारको रक्षाको लागि सोच नेपाल सरकारलाई अनुरोध गरेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: