बालबालिकाहरु यसरी सृजनशील हुँदै


प्रकाशित मिति :2020-01-23 19:13:14

इटहरी । इटहरीको सरस्वती माध्यमिक विद्यालयका प्रत्येक कक्षामा बाल क्लवले घडी राखेको छ । शिक्षक कक्षामा कतिबेला प्रवेश गर्नुभयो, त्यही घडी हेरेर विद्यार्थीले खातामा लेख्छन् । शिक्षक कतिबेला कक्षा कोठाबाट निस्कनुभयो, त्यो पनि लेखेर राख्छन् ।

इटहरीका प्रत्येक सामुदायिक विद्यालयमा गठन भएका बाल क्लव र ग्रिन क्लवले यस्तै उदाहरणीय काम गरिरहेका छन् । इटहरी उपमहानगरले आयोजना गरेको माध्यमिक विद्यालयका बाल क्लव र ग्रिन क्लका अध्यक्षहरूसँगको अन्तरक्रिया कार्यक्रममा बालबालिकाले विद्यालय र समुदायमै गरेका विभिन्न कामहरूको अनुभव सुनाए ।

इटहरीको कविर माध्यमिक विद्यालयको बाल क्लवका छात्राहरूले आफूहरूले प्रयोग गर्ने सेनेटरी प्याड स्कुलमै बनाएर प्रयोग गर्ने गरेका छन् । उनीहरूले स्कुलमै तालिम लिएर प्याड बनाएर जम्मा गर्ने गरेका हुन् । बाल क्लव र ग्रिन क्लवका विद्यार्थीहरू अत्यन्तै रचनात्मक देखिएको उपमहानगर शिक्षा युवा तथा खेलकुद महाशाखाका अघिकृत फाल्गुनी काफ्लेले बताइन् । एउटा विद्यालयका विद्यार्थीको सकारात्मक कार्य अर्को विद्यालयका बालबालिकाले पनि सिकुन् भनेर राखिएको अन्तरक्रिया कार्यक्रम फलदायी बनेको महाशाखा प्रमुख कुमारी अम्विका शाहको भनाइ छ ।

इटहरीकै राष्ट्रिय माध्यमिक विद्यालयको बाल क्लवका विद्यार्थीहरूले विद्यालय छेउछाउको गाउँमा फोहोरमैला भएको देखे भने त्यहाँ जान्छन् । स्थानीय जुटाउछन् अनि सरसफाई गर्छन् । स्कुले केटाकेटीले फोहोर देखे भने आउछन् भनेर स्थानीय आफै सरसफाइमा जुट्न थालेका छन् ।

अन्तरक्रियामा बाल र ग्रिन क्लवका अध्यक्षहरूले नियमित बैठक बस्ने, हप्तामा एक दिन अनिवार्य अतिरिक्त क्रियाकलाप गर्ने, वृक्षारोपण, फूलवारी निर्माण, चेतनामूलक कार्यक्रम गर्ने लगायतका कार्य सुनाए ।

इटहरीको कविर माविका विद्यार्थीले स्कुल आसपासमा मदिरा र सूर्तिजन्य पदार्थ बेचबिखन नगर्न खवरदारी गर्ने गरेका छन् ।

पकली माविको वालक्वलले विद्यालयमा खाजामा जंक फुड ल्याउन निषेध गरेका छन् ।

महेन्द्र मावि इटहरीमा कोही विद्यार्थी लामो समय विद्यालय नआए बाल क्वलका छात्रछात्रा ती विद्यार्थीको घरमै पुगेर अभिभावक र विद्यार्थीलाई सम्झाई वुझाई गर्ने गरेका छन् ।

बाल क्वल र स्काई क्वलका बालबालिकाको गतिविधिले आफूहरूलाई समेत उत्साहित बनाएको उपमहानगर शिक्षा, युवा तथा खेलकुद महाशाखाका अघिकृत फाल्गुनी काफ्लेको भनाइ छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: