छाउगोठ भत्काउने क्रममा अवरोध गर्ने शिक्षकविरुद्ध उजुरी


प्रकाशित मिति :2020-01-25 21:41:56

-महिला खबर-

अछाम । छाउ गोठ भत्काउने अभियानमा प्रतिवाद गर्ने शिक्षकविरुद्ध अछाममा उजुरी परेको छ ।

जिल्लाको चौरपाटी गाउँपालिका वडा नम्बर ४ अमरसैनका खम्म धामीविरुद्ध छाउ गोठ भत्काउने अभियानलाई बिफल पार्न खोजेको आरोपमा उजुरी दर्ता भएको हो । धामी पायलकै मष्टामाण्डौ आधारभूत विद्यालयका शिक्षक हुन् ।

अमरसैनमा रहेका छाउगोठ भत्काउने क्रममा धामीले अवरोध गर्नुका साथै वडा अध्यक्ष हर्क लोहारलाई गाली गलौज गरेपछि उनीविरुद्ध प्रहरी चौकीमा उजुरी परेको हो ।

खम्म धामी

वडा अध्यक्ष हर्क लोहारले शिक्षक जस्तो चेतनशील मान्छेले छाउप्रथाविरुद्ध आवाज उठाउनुको सट्टा गोठ भत्काउने भन्दै आफूलगायतलाई गाली गलौज गरेपछि जनप्रतिनिधिको हैसियतले चुप लाग्ने नमिल्ने भन्दै उजुरी दिएको बताए ।

लोहारले सिउडी प्रहरी चौकीमा कानूनी कार्वाहीको माग गर्दै आज उजुरी दिएपछि प्रहरीले उनलाई पक्राउ गरे पनि काँग्रेस निकट धामीको पक्षमा नेपाली काँग्रेसका नेता कार्यकर्ताको चर्को दवाव थेग्न नसकेर आजै छाडेको बताइएको छ । यद्यपि सिउडी प्रहरी चौकीका प्रमुख असई जयसिंह भण्डारीले धामीविरुद्ध उजुरी आएको र आवश्यक परे भोली फेरि पक्राउ गर्न सकिने बताए ।

भाइबुहारी २१ वर्षीया पार्वती बुढा रावतको गएको मङ्सिर १५ गते राति छाउगोठमा मृत्यु भएपछिपछि अभिभावकको हैसियतमा साँफेबगर नगरपालिका–३ सिद्धेश्वरका छत्र रावतलाई पक्राउ गरेर चर्चा कमाएका जिल्ला प्रहरी कार्यालय अछामका प्रहरी प्रमुख दीपक भारतीले आफूले यो विषयमा सोधपुछ गरिरहेको बताए । उनले उजुरी परेपछि आफूले गम्भीरताका साथ छानविन गर्ने र दोषी देखिए नछोड्ने प्रतिवद्धता गरे ।

प्रहरीको सहयोगमा अभियन्ताहरुले वडा नम्बर ४ पायलमा १ सय ६ गोठ भत्काएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: