अब महिलाको छुट्टै महासंघ


प्रकाशित मिति :2020-01-26 16:57:33

–महिला खबर–

ललितपुर । महिलाका विविध सवाल र क्षेत्रमा सामूहिक आवाज उठाउँने उद्देश्यले महिला महासंघ गठन गरिने भएको छ ।

अधिकारका क्षेत्रमा कार्यरत संघसंस्था तथा नेटवर्कका प्रतिनिधिहरुको आज राजधानीमा बसेको तयारी बैठकले चाँडै महिला महासंघ गठन गर्ने निस्कर्ष निकालेको हो । अधिकारकर्मी लिली थापाका अनुसार बैठकले तदर्थ समितिसमेत गठन गरेर कार्यविभाजन पनि गरेको छ ।

नेपालमा अहिले महिलाको सवालमा काम गर्ने तथा महिलाले नेतृत्व गरेका गैरसरकारी संस्थाहरुको संख्या झण्डै ३० हजारभन्दा बढी छ । तर सबैले छुट्टाछुट्टै तरिकाले काम गरिरहेका हुँदा प्रभावकारी हुन सकेको छैन । महिलाको क्षेत्रमा काम गर्ने गैरसरकारी संस्थाहरुको महासंघ भए कामको नक्कल पनि नहुने र प्रभावकारिता पनि बढी हुने अधिकारकर्मी इन्दिरा घलेले बताइन् ।

अहिले महिलाको सवालमा काम गर्ने गैरसरकारी संघसंस्थाहरुको राष्ट्रिय संजालका रुपमा महिला सुरक्षा दबाब समूह, शान्ति न्याय र लोकतन्त्रका लागि महिला सञ्जाल –संकल्प, महिला मानव अधिकार रक्षक संजाल, बियोण्ड बेइजिङ कमिटी, जनजाति महिला महासंघ, चेलीबेटी बेचबिखन विरुद्ध कार्यरत संस्थाहरुको नेटवर्क (एट्वीन), शान्ति मालिकालगायत रहेका छन् ।

महासंघ गठनको संयोजन गरिरहेको संकल्पकी अध्यक्ष लिली थापाले चाँडै नै तदर्थ समिति विस्तार गरिसक्ने र यसले काठमाडौंका साथै प्रदेश स्तरहरुमा छलफल र समन्वय गर्दै जाने बताइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: