जाल्पादेवी छाउगोठ मुक्त


प्रकाशित मिति :2020-01-26 17:40:07

-कल्पना वोहरा-

अछाम । साँफेबगर नगरपालिका वडा नम्बर २ जाल्पादेवीलाई आज छाउगोठ मुक्त वडा घोषणा गरिएको छ । जाल्पादेवीमा रहेका ९५ गोठ भत्काएसँगै महिनावारीको समयममा सुरक्षित रुपमा घरमा बस्न थालेपछि राष्ट्रिय सभा सदस्य शेरबहादुर कुँवरले छाउँगोठ मुक्त वडा घोषणा गरेका हुन् ।

जाल्पादेवीसँगै साँफेबगर नगरपालिकाका तीन वटा वडा पूर्ण रुपमा छाउगोठ मुक्त वडा घोषणा भएका छन् ।

स्थानीय तहको चुनाव अघि वडा नं.६ भाग्यश्वरलाई छाउपडि गोठमुक्त घोषणा गरिएको थियो ।

यस्तै स्थानीय तहको निर्वाचनपछि वडा नं.११ देवीस्थानलाई छाउपडि गोठमुक्त घोषणा गरिएको थियो । छाउपडि कूप्रथा सम्बन्धी कानून कार्यान्वन पछि पहिलो वडा जाल्पादेवीलाई छाउगोठ मुक्त वडा घोषणा गरिएको छ ।

गत मंसिर १५ गते राति साँफेबगर ३ शिद्धेश्वरकी २१ वर्षकी पार्वती बुढा रावतको छाउगोठमै ज्यान गएपछि नेपाल सरकारको आदेश पछि अहिले अछाममा छाउगोठ भत्काउने अभियान तिव्र रुपमा अघि बढेको छ ।

जाल्पादेवीलाई छाउगोठ मुक्त वडा घोषणा कार्यक्रममा बोल्दै राष्ट्रिय सभा सदस्य कुँवरले छाउपडि गोठमा जाँदा वर्षेनी महिलाको मृत्यु हुने कुसंस्कारको अन्त्यको लागि सबै लाग्नुपर्नेमा जोड दिए । असुरक्षित घरको रुपमा रहेको छाउगोठ पूर्णरुपमा भत्काउन आवश्यक रहेको र जिल्लालाई छाउपडी गोठमुक्त घोषणा गर्न सबै लाग्नुपर्नेमा जोड दिए ।

राष्ट्रिय सभा सदस्य शेरबहादुर कुँवर

कार्यक्रममा बोल्दै साँफेबगर नगरपालिकाका नगर प्रमुख कुल बहादुर कुँवरले गोठ भत्काएको ठाउँमा फेरि पाल टाँगेर वा भत्काईएका गोठमा बसेको पाएका बस्ने र बसाउने दुवैलाई कानूनी कारबाहि गरिने चेतावनी दिए ।

साँफेबगर नगरपालिकाका उपप्रमुख विर्मलादेवी वुड्थापाले छाउ गोठमा जाँदा महिलाले सबैभन्दा दुःख पाएका हुँदा स्वयम् महिला जागरुक हुनुपर्नेमा जोड दिइन् ।

वडा अध्यक्ष कालु सिंह कुँवरले छाउगोठमा बसेर अप्रिय घटनाको पात्र नबन महिलाहरुलाई आग्रह गरे ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: