संसार सुन्दर हुनुमा महिला कुशल व्यवस्थापक भएर होः एसएसपी सिंह


प्रकाशित मिति :2020-01-27 12:55:10

पोखरा । संघीय प्रहरी इकाइ गण्डकी प्रदेशका एसएसपी पुजा सिंहले महिला भएको गर्व गर्नु पर्ने बताएकी छन् ।

लायन्स क्लव अफ ३२५ वि १ ले आइतबार पोखरामा गरेको वुमन सिम्पोजियम कार्यक्रम ‘वुमन द विगिनिङ’ मा बोल्दै उनले महिला शक्ति हुन पाएकोमा गर्व गरेर हरेक क्षेत्रमा आफ्नो शक्तिको प्रदर्शन गरेर अघि बढ्नु पर्ने बताइन् । सिंहले पछिल्लो समय हरेक क्षेत्रमा महिलाको गर्विलो उपस्थिती बढ्दै गइरहेको र यसले महिलाको आत्मविश्वास जगाइरहेको भन्दै संसार सुन्दर हुनुमा महिला कुशल व्यवस्थापक भएर भूमिका निभाएकाले सम्भव भएको हो भन्ने धारणा राखिन् ।

कार्यक्रमका प्रमुख वक्ता एड्भोकेसी फोरमका संस्थापक अध्यक्ष वरिष्ठ पत्रकार बबिता बस्नेतले सामाजिक, आर्थिक, राजनैतिक, सांस्कृतिक विविध पक्षबाट महिला सशक्त हुन जरुरी रहेको बताइन् ।

पितृसत्तात्मक सामाजिक मूल्य मान्यताका कतिपय जडहरु सामाजिक रुपान्तरणको बाधक भएको बताउँदै अब महिलाहरुले आफ्नो भूमिका खोजी गरेर सामाजिक न्यायका लागि अघि बढ्नु पर्ने उनको भनाइ थियो । बस्नेतले शास्त्र ग्रन्थहरुमा उल्लेख महिला पात्रको उदाहरण दिँदै हरेक कुरालाई नकरात्मक टिप्पणी गर्नु भन्दा विषयबस्तु अध्ययन पछि धारणा बनाउन उपयुक्त हुने विचार राखिन् ।

प्रदेश नीति तथा योजना आयोग गण्डकी प्रदेशका सदस्य भिमा ढुंगानाले महिला समाजमा अगाडि रहेकोे तर सोचले सधै पछाडि पारेको बताइन् । उनले गण्डकी प्रदेशले अवलम्बन गरेको पञ्च वर्षीय नीतिमा महिला समानता र सशक्तिकरणको पक्ष र लक्ष्यको बारेमा प्रकाश पारिन् ।

कार्यक्रममा डिष्टिक गभर्नर इन्दु लम्सालले लायन्सले महिला सशक्तिकरणलाई जोड दिएर विविध कार्यक्रम गरेको जानकारी दिइन् । उनले ‘वुमन सिम्पोजियम’ कार्यक्रमले महिला शक्तिको पहिचान गरेर अघि बढ्न प्रेरित गरेको बताइन् । हालसम्म लायन्सले २२ सय जनालाई सशक्तिकरण तालिम दिएको उनको भनाई थियो ।

कार्यक्रम संयोजक अर्चना प्रधानले महिलाको अस्तित्व नस्विकारेसम्म समाज सभ्य र सुसंस्कृत हुन नसक्ने बताइन् ।

कार्यक्रमका सहसंयोजक मिलन थापाले पोखराका विभिन्न क्षेत्रमा रहेका महिला र विभिन्न आमा समूहमा आवद्ध महिलालाई आफ्नो क्षेत्रमा अझै क्रियाशील बनाउन महिला गोष्ठिको आयोजना गरेको बताए ।

कार्यक्रमाम २ सय ५० जना महिलाको उपस्थिती रहेको थियो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: