संचालनको तेस्रो दिनमै बर्थिङ सेन्टरमा ताला


प्रकाशित मिति :2020-02-02 15:20:28

बझाङ । बर्थिङ सेन्टरलाई जग्गा दान गर्ने व्यक्तिले आफ्नो मान्छेलाई कर्मचारी नराखेको भन्दै ताला लगाएपछि समस्या भएको छ । बझाङको खप्तडछान्ना गाउँपालिका– ६ को बयाना र बडाकोट गाउँका लागी निर्माण गरिएको बर्थिङ सेन्टरमा संचालनको तेस्रो दिनबाटै ताला लागेपछि गर्भवती महिलाहरूलाई समस्या भएको हो ।

जग्गादान गरेका झुरु थापाले आफ्नो मान्छेलाई बर्थिङ सेन्टरमा कर्मचारी (कार्यालय सहयोगी) नराखेको भन्दै संचालन भएको तेस्रो दिनबाट बर्थिङ सेन्टरमा ताला लगाएका हुन् । बर्थिङ सेन्टर तीन महिनादेखि बन्द छ ।

जग्गा दान गरेका झुरु थापाले जग्गादान गर्दा कार्यालय सहयोगीसम्म भए पनि आफ्नो एक जना कर्मचारी राख्ने सहमती भएको बताए । तर बर्थिङ सेन्टर निर्माण भएर संचालनमा आउँदा आफू र आफ्ना कोही पनि मान्छेलाई कर्मचारी नराखेको र कर्मचारी राख्दा जानकारीसम्म नगरेपछि बर्थिङ सेन्टरमा ताला लगाएको बताए ।

यता गाउँपालिका अध्यक्ष बर्कबहादुर रोकायाले भने कार्यालय सहयोगी तथा सुईपर राख्दा ७ दिने सार्वजजिक सूचना गरेको र निष्पक्ष तरीकाले कर्मचारी राखेको बताए । आफूले कर्मचारी राख्ने सहमती नगरेको र त्यो सहमतीबारे आफूलाई जानकारी नभएको उनले बताए ।

तत्कालिन पाटादेबल गाविसबाट २ लाख ३१ हजार र गाउँपालिकाको १० लाखको लागतमा निर्माण गरिएको बर्थिङ सेन्टर उद्घाटन र औषधि खरिदगरी संचालनमा आएको तेस्रो दिनदेखि थापाले ताला लगाएका कारण बन्द रहेको महिला सदस्य कृष्णादेवि थापाले बताइन् ।
बर्थिङ सेन्टर बन्द भएपछि गाउँका गर्भवती र सुत्केरी महिलाहरूलाई समस्या भएको उनले बताइन् । बर्थिङ सेन्टर निर्माण भइसकेपछि ३÷४ जना गर्भवती महिलाहरूले बिचबाटोमै शिशु जन्माएको थापाले बताइन् ।

बयानामा झण्डै १ सय ४० र बडाकोटमा ७५ परिवारको बसोबास छ । बर्थिङ सेन्टरका लागी राखेको औषधि काम नलाग्ने अवस्थामा पुगेको छ भने बर्थिङ सेन्टरका झ्यालहरू फुटालिएका छन् ।

गाउँमा बर्थिङ सेन्टर बनेपछि स्थानीयहरू निकै खुसी बनेका थिए । दुवै गाउँको पायक पर्ने ठाउँ कोटीखेतमा बर्थिङ सेन्टर छ । दुवैै गाउँबाट बर्थिङ सेन्टर पुग्न १० मिनेट मात्रै लाग्ने गरेको भए पनि बर्थिङ सेन्टर बन्द भएपछि अहिले स्थानीयले २÷३ घण्टा हिँडेर पाटादेबल पुग्नुपर्ने बाध्यता छ । डीबी विष्ट/दिनेश खबर

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: