‘सुरक्षित बेटी अभियान’ शुरू


प्रकाशित मिति :2020-02-04 15:17:35

धनुषा । प्रदेश २ सरकारको आन्तरिक मामिला तथा कानून मन्त्रालयले माघ २० गतेदेखि ‘सुरक्षित बेटी अभियान’ शुरू गरेको छ । “महिला हिंसाविरुद्ध शून्य सहनशिलता, सुरक्षित बेटी हाम्रो प्रतिबद्धता” भन्ने मूल नाराका साथ शुरु गरिएको अभियानको प्रदेश २ का मुख्यमन्त्री लालबावु राउतले उद्घाटन गरे ।

आन्तरिक मामिला तथा कानूनमन्त्री ज्ञानेन्द्रकुमार यादवका अनुसार सुरक्षित बेटी अभियानले महिला हिंसाविरुद्ध हुने सबै प्रकारका हिंसा, शोषण, विभेद र दुव्र्यवहारविरुद्ध शून्य सहनशिलताको नीति अवलम्बन गर्नेछ ।

मन्त्री यादवले यस अभियानले महिलाको व्यक्तिगत विकास, सशक्तिकरण र प्रगतिको मुख्य बाधक रहेको महिलामाथि हुने सबै प्रकारको हिंसा अन्त्य गर्न, मानव अधिकारको संरक्षण र प्रवद्र्धन गर्न, लैङ्गिक विभेदरहित मर्यादित, न्यायपूर्ण, सुरक्षित, समतामूलक सभ्य समाजको स्थापनाका लागि पहल गर्नेछ ।

सुरक्षित बेटी अभियानको क्रममा प्रदेशस्तरमा एक संयोजक र जिल्लाहरूमा सामाजिक परिचालक खटाएर महिला हिंसाविरुद्धको घटना न्यूनीकरणका लागि सहजिकरण गर्ने योजना रहेको मन्त्रालयले जनाएको छ ।

सुरक्षित बेटी अभियानको आरम्भ गर्दै मुख्यमन्त्री लालबावु राउतले समाजको संकुचित सोच र बनोट बदल्न जरुरी रहेको बताए । “हामीले घरमा छोरी जन्मिए घरको बोझ ठान्दै दुःखी हुने गरेकाले यस्ता संस्कारलाई त्याग्नुपर्ने आवश्यकता छ । समाजमा व्याप्त यस्ता कुरीतिलाई आफ्नै घरबाट त्याग्नु पर्छ” उनले भने ।

कार्यक्रममा प्रदेश २ का आन्तरिक मामिला तथा कानून राज्यमन्त्री सरोजसिंह कुशवाहाले आर्थिक वर्ष २०७६र०७७ लाई लैङ्गिक हिंसाविरुद्धको अभियानको रुपमा राखिएकोले गर्दा पनि प्रदेश २ सरकारले सुरक्षित बेटी अभियानको थालनी गरेको बताए ।

कार्यक्रममा प्रदेश २ का आन्तरिक मामिला तथा कानूनमन्त्री यादवले प्रदेश २ सरकारलाई अब महिला हिंसा सहनीय नहुने बताए ।

समाजमा महिलाहरूमाथि निकै विभेद हुँदै आएकाले गर्दा अब देशकै ५० प्रतिशत हिंसा ओगटेका महिलाहरूको सम्मान स्वरुप प्रदेश २ सरकारले गर्ने पदपूर्तिमा ५० प्रतिशत महिलाको सिट आरक्षण गरिएको कानूनमन्त्री यादवले बताए । विभेदरहित समतामूलक समाज निमार्णका लागि सुरक्षित बेटी अभियानको आरम्भ गरिएको उनको भनाई थियो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: