सुत्केरी बुहारीलाई जलाउन खोजेको आरोपमा ससुरा पक्राउ, श्रीमान्को वेवास्ता


प्रकाशित मिति :2020-02-10 12:02:53

ललितपुर । बुहारीलाई आगो लगाएर ज्यान मार्ने प्रयास गरेको आरोपमा सप्तरीका ५५ वर्षीय परशुराम शर्मा पक्राउ परेका छन् । घरायसी विवादमा बुहारीलाई जिउँदै जलाएर हत्या प्रयास गरेको आरोपमा उनी पक्राउ परेका हुन् ।

राजविराज नगरपालिका–१५ की २० वर्षीया रेखादेवी शर्माले आफूलाई आगो लगाएर हत्या गर्न खोजेको भन्दै किटानी जाहेरी दिएपछि परशुरामलाई पक्राउ गरी आगो लगाइ ज्यान मार्ने उद्योगमा कारवाही भइरहेको जिल्ला प्रहरी कार्यालय सप्तरीका डीएसपी तिलक भारतीले जानकारी दिए ।

पीडितका अनुसार ससुरासहित सासू ५० वर्षीया द्रौपती शर्मा, जेठाजु ३५ वर्षीय खेमचन शर्मा र जेठानी ३२ वर्षीया रम्भादेवी शर्मासमेत योजनामा संलग्न छन् । आफू आगोमा जलिरहँदा श्रीमान् रवीन्द्रबाहेक आरोपित सबै घरमै रहेको रखाको भनाइ छ ।

आरोपितले आगो सल्काएर हत्या गर्ने योजनाअनुरूप आफूले लगाउने सारीमा पेट्रोल छर्केर राखिदिएको उनको आरोप छ । आँगनमा हिँडिरहेका बेला टाढा रहेको चुलोको आगो एक्कासि सारीमा सल्किएपछि गुहार माग्दा घरमै रहेका आरोपित जोगाउनसमेत नआएको रेखाले बताइन् ।

आगोले पूर्ण रुपमा जलेको रेखाको दायाँ खुट्टा । तस्बिरः मनोहर पोखरेल/अन्नपूर्ण

काखमा रहेकी एक महिने छोरीलाई जोगाउन मिल्काएको र आँगनमै थुपारेको धानमा मडारिएर आगो निभाइ ज्यान जोगाएको उनले बताइन् ।

२०७५ फागुन २४ गते रबिन्द्र शर्मासंग मागी विवाह गरेकी रेखा सुत्केरी हुनुभन्दा साढे एक महिनाअघि जानकारी नदिइ रवीन्द्र घर छाडेर हिँडेको र परिवारले गर्भवती अवस्थामा पनि काम नगरेको भन्दै यातना दिन थालेपछि सुत्केरी हुन माइत गएको उनले बताइन् । छोरीको जन्मपछि १९ दिनअघि घर फर्केकी आफूलाई घरभित्र बाससमेत नदिई गोठमा राखेको उनले बताइन् ।

आगोले रेखाको दायाँ खुट्टाको पूर्ण भाग जलेको छ भने शरीरका अन्य भागमासमेत घाउ भएको छ । हिँडडुल गर्न नसक्ने अवस्थाकी उनी गम्भीर रहे पनि तीन दिनसम्म घरमै बन्धक बनाएर राखिएको र उनको हार गुहार सुनेका छिमेकीले माइतमा खबर गरेपछि घटना बाहिर आएको हो । रेखाको गत आइतबार राजविराज ल्याई उपचार गराइरहेको पीडितकी आमा सरस्वती शर्माले बताइन् ।

राजविराज नगरपालिका–६ स्थित माइतमा बसिरहेकी घाइतेको उपचार गजेन्द्रनारायण सिंह अस्पतालमा आधारित ओसिएमसीले नगरेपछि माइतीले गरिरहेको छ ।

प्रहरीले ससुरा परशुराम शर्माविरुद्ध मात्र उजुरी दर्ता गरेको छ । घटना सुनेर घर फर्किएका रवीन्द्र थुनामा रहेका बुबालाई भेटन गए पनि घाइते श्रीमतीलाई फोनसमेत गरेका छैनन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: