आगन्तुक सोध्छन्, ‘हेड सर खोई ?’


प्रकाशित मिति :2020-02-10 12:49:18

-रंजिता शर्मा-

दाङ । बिहान ठिक १० बजे विद्यालयमा प्राथनाको लागि घण्टी बज्यो । त्यो घण्टी बजाउने व्यक्ति कार्यालय सहयोगी महिला थिइन् । विद्यालयमा प्राथनाका लागि विद्यार्थी लाइनमा उभिदा शिक्षकहरु पनि अगाडिको लाइनमा उभिए । उभिएका सबै शिक्षक महिला थिए । घोराही तुलसीपुर सडक खण्डको बिचमा रहेको बालकल्याण माध्यामिक विद्यालय खैरा स्कुलमा पुग्दा देखिएको दृश्य हो यो । प्रधानाध्यापक, सहायक प्रधानाध्यापक, कर्मचारी र कार्यालय सहयोगी महिला आएपछि विद्यालयको मुहार नै फेरिएको अनुभूति अभिभावकले गरेका छन् ।

घोराही उपमहानगर पालिका वडा न १० मा रहेको यो विद्यालय महिलाले मात्र चलाएका छन् । विद्यालयका प्रधानाध्यापक श्यामा रावतले तीन वर्षदेखि प्रधानाध्यापकको जिम्मेवारी सम्हालिरहेकी छन् ।

विद्यालयको शैक्षिक वातावरण, सिकाइ उपलब्धी, ब्यवस्थापन, अभिभावकसंगको घुलमिल सबै कुरामा यो विद्यालय जिल्लामै नमूना बनेको दाबी प्रधानाध्यापक रावतको छ ।

शिक्षक मात्र हुँदा जिम्मेवारी धेरै नहुने कर्तव्य पुरा गरे पुग्थ्यो । तर प्रधानाध्यापक भएपछि जिम्मेवारी र उत्तरदायीत्व धेरै हुँदोरहेछ । ‘विद्यालयमा महिला प्रधानाध्यापक छ भन्ने थाहा नपाएका मानिस विद्यालयमा आए भने हेड सर खै बोलाइदिनुहोस् न भन्नुहुन्छ । अनि मै हो हेड सर भन्दा दंग परेर हेर्ने गर्नुहुन्छ’ प्रधानाध्यापक भएपछिको अनुभव सुनाइन् उनले ।

गत वर्षदेखि ९ र १० कक्षाको पढाइ थपेको विद्यालयमा पन्ध्र जना शिक्षक, एक जना कर्मचारी, एक जना कार्यालय सहयोगी छन् । ‘विद्यार्थीहरु पनि धेरै अनुशासित छन् । एक पटक सिकायो भने ध्यान दिएर सुन्छन्, दोहोराएर सिकाउनु पर्दैन’ रावतले भनिन्, ‘बालबालिकाहरु स्वतन्त्र रुपमा अध्ययन गर्छन् । विद्यालयमा विषय शिक्षक नआएर कक्षा खाली भयो भने विद्यार्थी बाहिर चौरमा छरिएर बस्दैनन् । न त उट्पट्याङ् नै गर्छन् । कक्षा कोठामा पुस्तक पढेर बस्ने गरेका छन् ।’

विद्यालयमा खानेपानी, शौचालयको राम्रो ब्यवस्ता छ । कक्षा कोठा शैक्षिक सामाग्रीले भरिएका छन् । छात्राहरुलाई सेनेटरी प्याड र त्यसलाई विसर्जन गर्ने सुविधा पनि छ ।

सोही विद्यालयका सहायक प्रधानाध्यापक विमला अधिकारी कर्मचारी, शिक्षक, कार्यालय सहयोगी सबै महिला भएकाले विद्यालय नमूना भएको बताउछिन् । सबै शिक्षकहरुलाई कामको जिम्मेवारी छ । ‘प्राथना, अतिरिक्त क्रियाकलाप, साहित्य जस्ता विविध क्रियाकलापको अलग–अलग जिम्मेवारी अनुसार सबै शिक्षक साथीहरुले राम्रो काम गर्नु भएको छ । हामीले एक पटक जिम्मेवारी बाँडेपछि कसैलाई काम अह्राइरहनु पर्दैन’ अधिकारीले भनिन्, ‘एउटा खाका बनाएर अफिस कोठामा टाँस्छौ । त्यसैका आधारमा काम गर्छौ ।’ अधिकारी गणित र विज्ञान विषयको शिक्षक हुन् ।

शुरु शुरुमा त मान्छेहरु महिलाले मात्र कसरी र कस्तो विद्यालय चलाउलान् भनेर कुरा गर्थे । आजकाल आफूहरुको काम देखेर प्रशंसा गर्ने र त्यसले खुशी लाग्ने उनले बताइन् ।

शिक्षक, कर्मचारी सबै महिला भएको यो विद्यालयबाट महिलाहरुले नेतृत्व पाएमा जे पनि नमूनाको रुपमा गर्न सक्छन् भन्ने कुराको उदाहरण हो भन्छिन्–अधिकारी ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: