युसेफ नेपालको बालसुधार गृहमा क्षमताभन्दा दुईगुणा बढी बालबालिका


प्रकाशित मिति :2020-02-11 15:32:43

भक्तपुर । भक्तपुरको सानोठिमीमा नेपाल सरकारको सहयोगमा युसेफ नेपाल नामक गैरसरकारी संस्थाद्धारा ०५८ सालदेखि सञ्चालनमा रहेको बाल सुधार गृहमा क्षमताभन्दा दुईगुणा बढी बालबालिका राखिएको छ ।

‘ग’ श्रेणीको यो बालसुधार गृहमा क्षमताभन्दा १ सय ५६ जना बढी बालबालिकाहरू राखिएको बाल सुधार गृहका उपनिर्देशक केशव सुवालले जानकारी दिनुभयो ।

बाल सुधार गृहमा १ सय १० जनाको क्षमता रहेकोमा हाल कैद भुक्तान तथा थुनुवा गरि २ सय ६६ बालबालिका छन् । अहिले बाल सुधार गुहमा २ सय ३१ जना बालक र ३१ जना बालिका रहेका छन् ।

बागमती प्रदेशका १३ जिल्लाका बालबालिका राख्ने भनिए पनि हाल यहाँ ४४ जिल्लासम्मका बालबालिका रहेका छन् । बसाँइसराईका कारण उपत्यकामा बिभिन्न जिल्लाबाट आउनेहरू बढी भएको र उपत्यकामै अपराध भएपनि बाहिर जिल्लाका बालबालिकाको संलग्न बढी रहेकाले बागमती प्रदेशभन्दा बाहिर जिल्लाका बालबालिका पनि यही सुधार गृहमा बढी रहेको उपनिर्देशक सुवालले बताउनु भयो । सिन्धुपाल्चोक, रामेछाप, रसुवा, नुवाकोट, काभ्रेका बालबालिका बढी रहेका उपनिर्देशक सुवालले बताउनु भयो ।

बाल सुधार गृहमा रहेकामध्ये ६० जनाभन्दा बढी जबरजस्ती करणी मुद्दामा संलग्न रहेका, करिब २५ जना देहव्यापार मुद्दामा र बाँकी कर्तव्य ज्यान, पाकेटमारा, लागूऔषध ओसारपसार, चोरी डकैटीमा संलग्न रहेको मुद्दामा रहेको सुवालले जानकारी दिनुभयो । यहाँ कम्तीमा १२ वर्ष उमेरसम्मका बालबालिका रहेका छन् । सुधार गृहमा रहेका बालबालिकालाई अभिभावकसंग प्रत्येक सातामा एक पटक अभिभावकले ३ देखि ६ बजेभित्र भेट्नसक्ने गरि व्यबस्था गरिएको छ ।

बालसुधार गृहमा शिक्षाको राम्रो व्यवस्था रहेको र एसईई परीक्षा दिएकाहरूका लागि पुस्तकालयको समेत व्यबस्था गरेको छ । कक्षा १२ सम्म अध्ययन गर्नका लागि कक्षा कोठा भवन निर्माण भईरहेको छ ।

कक्षा ५ देखि १० सम्मका बालबालिकाका लागि सुधार गृह भित्रै विद्यालय संचालनमा रहेको बाल सुधार गृह सानोठिमीका कार्यक्रम अधिकृत बाल अधिकार संयोजक सन्तुलन देशेमरुले जानकारी दिनुभयो । यसवर्षदेखि कक्षा १२ सम्म सञ्चालनको लागि अनुमति लिईसकेकाले सुधार गृह भित्र रहेका बालवालिकालाई अब कक्षा १२ सम्म अध्ययन गर्नको लागि सहज हुने छ । यसका लागि भवन निर्माण अन्तिम चरणमा पुगेको छ ।

क्षमताभन्दा बढी बालबालिकाहरू राख्दा मेस, सुत्ने कोठा, शौचालय प्रयोगमा समस्या हुने गरेको देशेमरुले बताउनु भयो । युसेफ नेपाल नामक गैरसरकारी संस्थाद्धारा सानोठिमी, कास्की, नेपालगञ्ज र विराटनगरमा गरि चार ठाउँमा संचालनमा रहेको बाल सुधार गृहमा करिब ९ सय बालबालिका रहेका छन् । सानोठिमी र विराटनगरमा पनि क्षमताभन्दाबढी बालबालिकाहरू राखिएको उहाँले बताउनु भयो । बालगृह सञ्चालनको लागि गृहमन्त्रालयले खाना दिने र चारठाउँका लागि सरकारले वार्षिक करिब ८५ लाख बजेट पठाउने गरेको छ ।

रमेश गिरी/इन्सेक अनलाइन

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: