महिला सशक्तीकरणका लागि गाउँ केन्द्रित कार्यक्रम गर्न सुझाव


प्रकाशित मिति :2020-02-12 13:14:07

–महिला खबर–

ललितपुर । सञ्चार तथा सूचना प्रविधि मन्त्री गोकुल प्रसाद बाँस्कोटाले नेपालको संविधानले महिलाको सहभागिता सम्बन्धमा महत्वपूर्ण व्यवस्था गरेको भन्दै गाउँ केन्द्रित कार्यक्रम गर्न सुझाव दिएका छन् ।

राष्ट्रिय सूचना आयोगले आयोजना गरेको ‘महिला सशक्तीकरण सम्बन्धमा सूचनाको हकसम्बन्धी कार्यशाला गोष्ठी’ लाई सम्बोधन गर्दै मन्त्री बाँस्कोटाले महिला सशक्तीकरणका कार्यक्रमहरु अब काठमाडौँमा मात्र नभई दूरदराजमा पनि आयोजना गर्नुपर्ने बताए ।

सूचनाको हकसम्बन्धी कुरा गर्दा हरेक नागरिकले आफ्नो कर्तव्यबारे पनि ख्याल गर्नुपर्ने मन्त्री बाँस्कोटाको भनाइ थियो ।

प्रतिनिधि सभा विकास तथा प्रविधि समितिका सभापति कल्याणी कुमारी खड्काले महिलाका लागि सूचनाको हक महत्वपूर्ण हुने बताइन् ।
नेपाल पत्रकार महासंघका उपाध्यक्ष विपुल पोखरेलले सूचनाको हकले लोकतन्त्रमा विचार अभिव्यक्तिमा महत्वपूर्ण कार्य गर्ने धारणा व्यक्त गरे ।

आयोगका प्रमुख सूचना महेन्द्रमान गुरुङ्गले आयोगका आगामी कार्यलाई प्रभावकारी बनाउन रणनैतिक रुपमा अगाडि बढ्न खोजिएकोले सबैसँग सहकार्य गर्दै आयोग अघि बढेमात्र सुशासन कायम गर्न महत्वपूर्ण योगदान पु¥याउन सक्ने बताए ।

कार्यपत्र प्रस्तुत गर्दै आयोगका आयुक्त कमला ओलीले सूचनाको हक सम्बन्धी कानूनी व्यवस्थाका बारेमा व्याख्या गर्दै सूचनाको हकले महिला सशक्तीकरणमा पु¥याउने योगदानका बारेमा जानकारी दिइन् ।

निजामती किताबखानाका महानिर्देशिक गीता कुमारी होमेगाईले महिला सहभागिता बारेमा प्रस्तुतीकरण राख्दै सूचनाको हकका बारेमा महत्वपूर्ण जानकारी दिइन् ।

आयोगका आयुक्त रत्नप्रसाद मैनालीले सूचनाको अधिकारबारे केही अन्तर्राष्ट्रिय घटना र आयोगले आगामी दिनमा गर्न खोजेका कार्यक्रमका बारेमा जानकारी दिए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: