शहरिया नारीलाई प्रश्नः तिमी र म कसरी बराबर ?


प्रकाशित मिति :2020-02-17 12:59:22

तिमी चन्द्रमामा पुग्ने सपना देख्छौ
मेरो त भुईंमा टेक्ने शक्ति छैन
तिमी समानताका कुरा गर्छौ
मेरो असमानतालाई बुझ्ने शक्ति छैन ।

तिमी महिनावारी हुँदा आरामको कुरा गर्छौ
मलाई सुत्केरी हुँदा आराम के हो थाहा छैन
तिमी मालिस र पोषणको कुरा गर्छौ
मैले त खानाको लागि भात पाएको छैन ।

पशुपती कुँवर

अनि तिमी र म कसरी बराबरी ?
तिमी राजनीतिका कुरा गर्छौ
मैले त आफू खुशीले भोट हाल्ने अधिकार पाएकी छैन
तिमी समावेशीका कुरा गर्छौ
मैले बैठकमा गएको दिन कुटाइ खानु पर्छ
तिमी आफ्नो शरीरमाथिको अधिकारको कुरा गर्छौ
म हरेक रात श्रीमान्बाटै बलात्कृत हुन्छु
तिमी आफ्नो रहरले सन्तान जन्माउछौ
मेरो बाध्यता छोरा जन्माउनको लागि छोरी धेरै जन्माउछु ।

तिमी शहरमा बस्छौ, म गाउँमा
तिमी गाडी चढ्छौ, मेरो शरीरमाथि भारी चढ्छ
तिमी चार्डपर्व मनाउनु पाउनु अधिकार हो भन्छौ
मलाई चार्डपर्व नआए हुथ्यो जस्तो लाग्छ
किनकी घरबाट भाग्नु पर्ने बाध्यता छ ।

तिमी छाउ बार्नु आराम हो भन्छौ
म छाउ नभइदिए हुन्थ्यो कि जस्तो लाग्छ
किन भने म हरेक रात गोठमा मरेर बाँच्छु
तिमी पोषिलो खान पाउछौ मैले त
सुख्खा रोटीमा चित्त बुझाउनु पर्छ
त्यसैले तिम्रो रगत अर्कै हो, मेरो रगत अर्कै हो
तिमी महलमा रहरले छाउ बार्छौ
म गोठमा बाध्यताले छाउ बार्छु
तिमी मसंग दाँजिन मिल्दैन
तिमी महलमा बस्छौ, म गोठमा
अनि तिमी र म कसरी बराबरी ?

तिमी संसार जित्ने कुरा गर्छौ
मैले घरमै हारेर बसेकी छु
तिमी सम्पत्तिमाथिको अधिकारको कुरा गर्छौ
मेलै नागरिकता पाएकी छैन ।

तिमी अधिकारवादी नारी हौ,
तिमी सोमबारको ब्रत रहरले बस्छौ
मेरो कुनै रहर छैन, बाध्यतामा कूसंस्कारलाई मान्छु
समानताको लागि नारीभित्रै असमानताका पहाडहरु छन्
त्यसैले आरक्षण तिम्रो लागि होइन, मेरो लागि हो
अनि तिमी र म कसरी बराबरी ?
तिमी चन्द्रमा छुने कुरा गर्छौ
मेरो भुईंमा टेक्ने शक्ति छैन ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: