अश्लील शब्द र आमाको अर्ती


प्रकाशित मिति :2020-02-20 14:42:01

म नौं कक्षामा पढ्दै थिएँ । स्कुलमा आसार र साउनभरि नै मीन पचासको विदा हुन्थ्यो । त्यही बेला धान बाली लगाईन्थ्यो । हामी दाजुभाइ गोरु लिएर बिहानै खेततिर लाग्थ्यौं ।

एक दिन म एक्लै गोरु जोत्तै थिएँ । वल्लो पल्लो खेतका हलीहरु गोरु चुट्दै खेत जोत्तै थिए । गोरु चुट्ने मात्र होईन, गोरुलाई भेगै थर्कने गरी अश्लील शब्दले गाली गर्दै थिएँ ।

मेरा गोरु पनि मापाकै थिए । नियन्त्रण गरेर जोत्न गाह्रो ।

निर्मल भट्टराई

त्यति बेला आफूसंग घडी थिएन । कसै कसै धनीमानीले घडी बाँधेर नजिक आए भने परैबाट घडीभित्रका सुई चलेको हेथ्र्यौं र मौका पाए सुईको टिक टिक आवाज सुन्थ्यौं । हलीको हातमा घडी ? असम्भव, विल्कुल असम्भव ।

सारको महिना । घाम निकै माथि चढिसकेका थिए । अहिलेको हिसाबमा त्यस्तै विहानको ११ बजेको हुँदो हो । पेटमा मुसा कुद्दै थिए । भोकमा मारे गोरु पिट्न निहुँ खोज्दै थिएँ । स्कुलमा त्यस्तै साथीहरुको संगतले म पनि वरिपरिका हलीजस्तै अश्लील शब्द बोल्ने आदतमा थिएँ ।

नानाथरिका अश्लील शब्द प्रयोग गरेर गोरु चुट्दै काल्नामुनि गोरु जोत्दै थिएँ म । आमा नजिकै आईपुगेको मलाई पत्तै भएन ।

“हेर हेर यसले के बोलेको ? स्कुलमा सरहरुले त्यस्तै सिकाउछन् तँलाई ? ” खाना राख्दै आमाले भन्नुभयो ।

आमाले सुन्ने गरी त्यस्ता छाडा शब्द मैले कहिल्यै बोलेको थिइन । लाजले म रातोपिरो भएँ ।

“वरिपरि कोही थिएनन्, र गोरुलाई गाली गरेको ?”आफ्नो बचाउ गर्दै मैले भनें ।

“कसैले सुन्दैनन् भनेर छाडा कुरा बोल्न हुन्छ ? मान्छेले त नसुन्लान् रे भगवानले त सुनिराखेका हुन्छन् बाबै । अबदेखि कहिल्यै आज बोलेजस्ता छाडा कुरा नबोल्नू ।”

त्यो दिनदेखि छाडा कुरा (अश्लील शब्द) बोलिएन ।

छाडा कुरा बोल्ने आदत नहटेको भए अहिलेको फोन ट्यापिङ्ग युगमा हैरान पो हुने रहेछ गाँठे ! भट्टराईको फेसबुकबाट

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: