कृषि विज्ञ यमुना घले नार्कमा मनोनित


प्रकाशित मिति :2020-02-24 15:09:36

–महिला खबर–

ललितपुर । कृषि विज्ञ यमुना घले नेपाल कृषि अनुसन्धान परिषद् (ल्ब्च्ऋ) को सदस्यमा मनोनित भएकी छन् ।

नेपाल सरकार, मन्त्री परिषद्को मिति २०७६ फागुन ५ गते बसेको बैठकले घलेलाई नार्कको सदस्यमा मनोनयन गरेको हो ।

२८ वर्षदेखि समुदायमा रहेर कृषि तथा खाद्य सुरक्षाको सवालमा काम गरिरहेकी घले कृषि तथा वन विज्ञान विश्वविद्यालय रामपुर, चितवनबाट ‘खाद्य सुरक्षाको शासन पद्दती’मा विद्यावारिधी पनि गर्दैछिन् ।

यमुना घले

उनी खाद्य अधिकार, भूमि अधिकार, जनजाती अधिकार लगायत विभिन्न किसानका संघ संगठनहरुसंग मिलेर कृषि नीतिलाई लैंगिकमैत्री बनाउन काम गर्दै आइरहेकी छन् ।

एक्सन एड, स्वीस राजदुतावास, कृषि विकास कोष, विश्व बैंक लगायत अन्तराष्ट्रिय गैर सरकारी संस्थामा काम गरिसकेकी घले यतिबेला यूएन ओमनमा लैंगिक समानता सम्बन्धी राष्ट्रिय दस्तातेज बनाउने काममा सहभागी छन् ।

परिषद्मा मनोनयनपछि महिला खबरसंग कुरा गर्दै घलेले आफ्नो कार्य अनुभव, दक्षता र क्षमताको आधारमा परिषद्को विकास र कृषि अनुसन्धानको क्षेत्रमा सकारात्मक भएर काम गर्ने प्रतिक्रिया दिइन् ।

यस्तै मन्त्री परिषद्को सोही बैठकले डा. स्वयम प्रकाश श्रेष्ठ, डा. युगनाथ घिमिरे, गोबिन्द के. सी., डा. बिनायकप्रसाद राजभण्डारी, चुन्नप्रसाद शर्मा र डा. कृष्णप्रसाद पौडेललाई पनि नेपाल कृषि अनुसन्धान परिषद्को सदस्यमा मनोनित गरेको छ ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: