काखमा बच्चा बोकेकी महिलामाथि प्रहरीद्वारा निर्घात कुटपिट(हेर्नुहोस् भिडियो)


प्रकाशित मिति :2020-02-28 15:05:35

–महिला खबर–

ललितपुर । करिब डेढ वर्षको बच्चा काखमा बोकेकी महिलालाई पुरुष प्रहरीले निर्घात कुटिरहेको भिडियो भाइरल भइरहको छ ।

करिब डेढ वर्षको बच्चा बोकेकी महिलालाई पुरुष प्रहरीले पछाडिबाट खुट्टा, नितम्ब र ढाडमा निर्मम तरिकाले लठ्ठीले निरन्तर कुटिरहेको भिडियो भाइरल भइरहेको छ । यो भिडियो पाँच घण्टा अघि संजिवनी अनलाइन टिभीले हालेको छ ।

प्राप्त जानकारी अनुसार पूर्व बच्चा बोकेकी महिला हेमा श्रेष्ठ हुन् भने उनलाई कुटपिट गर्ने प्रहरी प्रभाग भैंसेपाटी ललितपुरका इन्स्पेक्टर देवीप्रसाद पौडेल हुन् ।

आर्मीको जर्नेलबाट यसरी तहसनहस बनिन्,–माला

१६ तोला सुन र नगदसहित गएको असोज १५ गतेदेखि श्रीमान् हेम खत्री गायब भएपछि उनको भैंसेपाटीमा रहेको घर अगाडि उनकी श्रीमती माला साह लगायत जम्मा भएका महिलाहरुमाथि पुरुष प्रहरी यसरी कुटपिट गरेका हो ।

आफ्नो घर अगाडि महिलाहरु जम्मा भएको थाहा पाएपछि हेम खत्रीले प्रहरीलाई खबर गरेको र त्यहाँ पुग्नेबित्तिकै इन्स्पेक्टर पौडेलले जथाभावी हातपात र कुटपिट गरेको महिलाहरुले बताएका छन् । आरोपित खत्री नेपाली सेनाबाट नक्कली सर्टिफिकेट काण्डमा निलम्बनमा परेका पूर्व सहायक रथी हुन् ।

पत्रकारको क्यामेरामा हेमा श्रेष्ठमाथि कुटपिट भएको दृश्यमात्रै कैद भए पनि हेम खत्रीकी श्रीमती माला साहलाई इन्स्पेक्टर पौडेलले कपाल लुछेर लछार पछार गर्दै लात्तैलात्ताले हिर्काएको प्रत्यक्षदर्शी महिलाहरुले बताएका छन् ।

घटनास्थलमा प्रहरी महिला पनि उपस्थित हुँदाहुँदै इन्स्पेक्टर पौडेल आफै अगाडि बढेर आक्रोसमा आई महिलामाथि जथाभावी हातपात गरेको बताइएको छ ।

यस्तै आरोपित खत्रीले महिलाहरुलाई गाली गर्दै ढोकाबाट कट्टु खोलेर गुप्ताङ्ग देखाएको पनि त्यहाँ पुगेका महिलाको आरोप छ ।

प्रहरीले घटनास्थलमाबाट हेम खत्रीकी श्रीमती माला साहसहित गोमा केसी, रुपा घिसिङ्, शोभा खड्का थापा उषा रायमाझी र हेमा श्रेष्ठलाई पक्राउ गरेको थियो । पक्राउ परेका मध्ये उषा रायमाझी र हेमा श्रेष्ठलाई तारिखमा छोडेको र बाँकीलाई हिरासतमै राखेको छ ।

हेर्नुहोस् प्रहरीले हेमालाई कुटेको भिडियो

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: