सामाजिक क्षेत्रको काम पनि राष्ट्रिय गौरवको आयोजना


प्रकाशित मिति :2020-02-28 21:01:19

–महिला खबर–

ललितपुर । महिला, बालबालिका तथा ज्येष्ठ नागरिकमन्त्री पार्वत गुरुङले सामाजिक क्षेत्रको कामलाई पनि राष्ट्रिय गौरवको आयोजनाको रुपमा अघि बढाउने घोषणा गरेका छन् ।

मन्त्री गुरुङले पदबहाली भएको सय दिनको अवसर पारेर शुक्रबार काठमाडौंमा पत्रकार सम्मेलन गरी सामाजिक क्षेत्रको कामलाई पनि राष्ट्रिय गौरवको आयोजनाको रुपमा अघि बढाउने नविन सोचलाई अघि बढाइएको बताए । ‘मुलुकको समृद्धिका लागि सामाजिक क्षेत्रको कामलाई पनि राष्ट्रिय गौरवको आयोजनाको रुपमा अघि बढाउने नयाँ सोच अघि बढाइएको छ,’ मन्त्री गुरुङले भने, ‘भौतिक पूर्वाधारको विकाससँगै सामाजिक क्षेत्रको कामलाई पनि राष्ट्रिय गौरवको आयोजनाको रुपमा विकास गर्ने काममा आवश्यक सुझाव दिन सबैलाई आह्वान गर्दछु ।’

मन्त्री गुरुङले चालू आर्थिक वर्ष भित्र मुलुकलाई छाउगोठ मुक्त बनाउने गरी प्रदेश, स्थानीय सरकारसँग आवश्यक सहकार्य गरिएको पनि बताए । त्यसका लागि मनको छाउगोठ भत्काउने गरी सामाजिक अभियानको कामलाई सुदूरपश्चिम प्रदेश र कर्णाली प्रदेशमा संचालन गरिएको पनि उनले स्मरण गरे । न्त्री गुरुङले छाउगोठ मुक्त अभियानसँगै सरकारले मर्यादित महिनावारीसम्बन्धि अन्तराष्ट्रिय सम्मेलन पनि आयोजना गर्न लागिएको जानकारी दिए । उनले नेपाललाई मर्यादित महिनावारीको देशको रुपमा विश्वमा पहिचान दिने गरी सो अन्तराष्ट्रिय सम्मेलन आगामी जेठ १३ गतेदेखि १५ गतेसम्म आयोजना गर्ने तयारी गरिएको पनि बताए ।

मन्त्रालयले पहिलो पटक लंैगिक समानता नीति ल्याउने कामको तयारीलाई अन्तिम चरणमा पु¥याइएको पनि पत्रकार सम्मेलनमा जानकारी दिइएको छ । मन्त्री गुरुङले नेपाललाई सडक मुक्त बालबालिका बनाउने पनि बताए । त्यसका लागि प्रदेश १, बागमती प्रदेश, गण्डकी प्रदेशसँग सहकार्यका साथ काम गर्ने समझदारी पनि आफूले गरेको मन्त्री गुरुङको भनाई छ ।

मन्त्री गुरुङले सय दिनको अवधिमा मन्त्रालयले महिला, बालकालिका तथा ज्येष्ठ नागरिकहरुलाई पनि उत्पादन र उद्यमसँग जोडेर उनीहरुलाई आर्थिक रुपमा सबल बनाउने अवधारणा तय गरिएको पनि बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: