सामूहिक बलात्कार गर्न खोज्नेलाई पाँच दिन मन्दिर सफा गराउने पञ्चायतको निर्णय


प्रकाशित मिति :2020-03-01 16:32:51

–महिला खबर–

ललितपुर । एउटा युवतीलाई सामूहिक बलात्कार गर्न खोज्नेलाई कस्तो सजाय हुनुपर्ला ? तपाईं मध्ये अधिकांशले भन्नुहुन्छ कडा भन्दा कडा, हदै सम्मको कानूनी कार्वाही हुनुपर्छ । यसबाहेक तपाईंले युवतीलाई न्याय हुने जुन कुरा पनि गर्न सक्नुहुन्छ ।

तर पर्साको विरगञ्ज महानगरपालिका वडा नम्बर १ मा यस्तो भएन । एक युवतीलाई सामूहिक बलात्कार गर्न खोज्ने पाँच जनालाई प्रहरीको हिरासतबाट निकाली पञ्चायत बसेर सजाय तोकियो– पाँच दिन स्थानीय मन्दिर सफा गर्न लाउने ।

स्थानीय एक समाजसेवीले दिएको जानकारी अनुसार वडा अध्यक्ष मनोज गुप्ताको रोहबरमा बलात्कारको प्रयास गर्ने स्थानीय सन्दिप साकानु, (वडा अध्यक्षको आफन्त), नागा दास, सुभास दास, उमेर दास र नरेश दास बुधबार प्रहरी कार्यालयबाट तारिखमा छुटेका थिए । हिजो शनिबार बसेको पञ्चायतले उनीहरुलाई पाँच दिन मन्दिर सफा गराउने सजाय तोकेको हो ।

शनिबार वडा अध्यक्ष गुप्ताको अगुवाईमा सीमा प्रहरी चौकी छपैया अगाडि रहेको शुरेस सातेलीको घरको छतमा पञ्चायत बसेको बताइएको छ । पीडित युवतीका बुबा र पाँचै जना केटाहरुका बुबासहित बसेको पञ्चायतले गाउँमै भएको घटनालाई गाउँमै मिलाउने, प्रहरी कार्यालय वा अन्त कतै कुनै खालको उजूरी नगर्ने, उजूर गरे सामाजिक बहिष्कार गर्ने चेतावनी दिएको छ । पञ्चायतको निर्णय वडा अध्यक्षको रजिष्टरमा स्थानीय लेखनदास राजन साहले लेखेको पनि थाहा भएको छ ।

गएको शनिबार फागुन १० गते बेलुकीपख आफ्नै गहुँ बारीमा दिसा गर्न गएकी २२ वर्षीया युवतीलाई पाँच जना केटाहरुले बलात्कार प्रयास गरे । बलात्कारको प्रयास असफल भएपछि दुई जनाले धम्काउदै, तान्दै, लछारपछार गरे र तीन जनाले भिडियो खिचे । यदि यो घटना बसैलाई भने भिडियो सार्वजनिक गरिदिने धम्की दिए ।

तर जति धम्की दिए पनि युवतीले घटना सार्वजनिक गरिन् । स्थानीय केही अगुवाको साथमा आमालाई बोकेर जिल्ला प्रहरी कार्यालय पुगिन् । र जिल्ला प्रहरी प्रमुख एसपी गंगा पन्तलाई सुनाइन् ।

अत्यन्तै गरिव परिवारकी युवती पढेलेखेकी छैनन् । यो घटना अरुलाई भने, कानूनी कार्वाही गरे बिहे नहुने, ज्यानको खतरा हुने, आमाबुबालाई समाजबाट बहिष्कार गरिदिने चेतावनी आरोपितले दिएपछि युवती र उनका आमाबुबा लाजले घरबाट निस्कन नसकेको बताइएको छ ।

एसपी पन्तकै पहलमा मंगलबार आरोपितलाई पक्राउ गरियो । तर वडा अध्यक्ष गुप्ताले केटीले भनेजस्तो बलात्कार प्रयासको घटना नभएको, अरु केटासंग बसेको देखेपछि चिनजानका केटाहरुले यसो किन गरेको भन्दै हप्काएको बताए । घटनाको चौथो दिनसम्म उजूरी नआएपछि प्रहरीले आरोपितलाई तारिखमा रिहा गर्यो र वडा अध्यक्षले जिम्मा लिए ।

अत्यन्तै गरिव परिवारकी युवती पढेलेखेकी छैनन् । यो घटना अरुलाई भने, कानूनी कार्वाही गरे बिहे नहुने, ज्यानको खतरा हुने, आमाबुबालाई समाजबाट बहिष्कार गरिदिने चेतावनी आरोपितले दिएपछि युवती र उनका आमाबुबा लाजले घरबाट निस्कन नसकेको बताइएको छ ।

युवतीमाथि भएको दुव्र्यवहारका ५१,३१ र २८ सेकेण्डका तीनटा भिडियो क्लीप छन् । जसमध्ये एउटा महिला खबरलाई पनि प्राप्त भएको छ ।

जिल्ला प्रहरी प्रमुख एसपी गंगा पन्तले आफूलाई घटनाबारे विस्तृतमा जानकारी नभएको र उजूरी नै नआएपछि आरोपितलाई हिरासतमा राखिराख्न नमिलेको बताइन् । यदि युवतीमाथि दुव्र्यवहारको घटना हो भने आफूले कुनै हालतमा नछोड्ने बताइन् ।

वडा अध्यक्ष मनोज गुप्तालाई यसबारेमा आइतबार दिनभर बुझ्न खोज्दा उनको मोबाइल नम्बर ९८४५०२०२७१ मा फोन सम्पर्क हुन सकेन ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: