कोरोनाको त्रासले महिला हडतालको ढाँचा फेरियो


प्रकाशित मिति :2020-03-05 11:36:02

–महिला खबर–

ललितपुर । विश्वव्यापी रुपमा फैलिएको कोरोना भाईरसको त्रास र यसबाट हुन सक्ने क्षतिलाई मध्यनजर गर्दै विश्वव्यापी रुपमा मनाउन लागिएको महिला हडतालको ढाँचा परिवर्तन भएको छ ।

‘महिला रोकिए संसार रोकिन्छ’ भन्ने मूल नाराका साथ संसारभरका महिलावादी एवं सहयोगी संघसस्थाद्वारा संगठित मनाउन लागिएको विश्वव्यापी महिला हडतालमा महिलाहरू एकै ठाउँमा जम्मा नहुने भएका छन् ।

नेपालमा हड्तालको संयोजन गरिरहेको महिला मानव अधिकार रक्षकहरूको राष्ट्रिय सञ्जालका अध्यक्ष डा. रेणु अधिकारीका अनुसार मार्च ७ तारिखका दिन काठमाडौंको भद्रकालीबाट माइतघर मण्डलासम्म जुलुस निकालेर मनाउने भनिएको महिला हडताल कोरोना भाईरसको त्रास, यसबाट हुन सक्ने क्षतिलाई मध्यनजर गर्दै र सरकारद्वारा कुनै प्रकारको भिड तथा जमघट नगर्न गरिएको आह्वानको कदर गर्दै जुलुस प्रदर्शन नगर्ने निर्णय गरिएको हो ।

७ मार्चका दिन गर्ने भनिएको कार्यक्रम ८ मार्चका दिन गर्ने र माईतीघरदेखि कोटेश्वरसम्म सडकको दुवै साईड गरी जम्मा १६ वटा स्टेशन बनाई प्रत्यक स्टेशनमा १० जनाको समूह भई १२ देखि १ बजेसम्म उभिई ऐक्यवद्धता जनाइने छ ।

कार्यक्रममा प्रत्येक व्यक्तिले “महिला रोकिए संसार रोकिन्छ“ लेखिएको टि-सर्ट र फेटा लगाई प्ले कार्ड बोकी प्रदर्शन गर्नेछन् । यसका साथै यस जनस्वास्थ्यको सबाललाई ध्यानमा राख्दै सबै जनाले अनिवार्य रुपमा मास्क लगाउन पनि अनुरोध गरिएको छ ।

    Comment Here!

Related NEWS
मुख्य खबर

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

Read more
© 2015.All rights reserved by mahilakhabar.com
%d bloggers like this: