आर्थिक अभावमा ‘कञ्जेनाइटल’ भएकी नवजात शिशुको उपचार भएन


प्रकाशित मिति :2020-03-13 15:12:25

-अमर सुनार-

रम गरिबीका कारण जन्मजात समस्या देखिएको नवजात शिशुको स्वास्थ्य परीक्षण हुन सकेका छैन ।

भगवतीमाई गाउँपालिका–४ मन्घरकी २१ वर्षीया लक्ष्मी बिकले यही मंगलवार बिहान ११ बजेतिर पहिलो सन्तानको रुपमा घरमै जन्माएकी छोरीको टाउकोको पछिल्तिर दुई वटा झण्डै टाउको जत्रै ‘कञ्जेनाइटल’ भाग झुण्डिएको छ ।

दैलेख जिल्ला अस्पतालका इञ्चार्जले फोटोको आधारमा यो ‘कञ्जेनाइटल डिफेक्ट’हो भनेका छन् ।

बालिकाको टाउकोमा जन्मजात यस्तो देखा पर्दा हेर्न आउनेको मात्रै भींड हुन थालेपछि जन्म दिने आमा र परिवारजनले झनै खिन्नता महसुस गरेका छन् ।

लक्ष्मीका श्रीमान् २२ वर्षीय गोपाल बिक एक महिना अघि मात्र रोजगारीका लागि दुबई पुगेको लक्ष्मीले बताएकी छन् ।

वैदेशिक रोजगारीका लागि राहदानी निकाल्न, अन्तरवार्ता, मेडिकल गर्न र दुबई उडानसमेत गरेर पटक पटक काठमाडौं आउजाउ गर्न २ लाख भन्दा बढी ऋण लागेको र यसै बेला नवजात शिशुको उपचार गर्न ऋण खोज्दा नपाएको लक्ष्मीकी सासु रत्ना कामीले बताइन् ।

लक्ष्मीको घरमा उनकी २ आमाजु, ३ नन्द र सासूससुरासमेत गरी ९ जनाको परिवार छ । ससुरा डिलबहादुर कामीले दैनिक मजदुरी गरेको खर्चले जेनतेन परिवारको मुखमा माड लाग्ने गरेको छ ।

नेपालगञ्ज वा काठमाडौंमा नसा रोग बिशेषज्ञ कहाँ पुर्‍याए मात्र उपचार हुने वा नहुने निश्चित गर्न सकिने सल्लाह पाइएको तर परिवारले ऋण खोजेरसमेत नपाएका कारण उपचार प्रक्रियाको काम सुरु नभएको छिमेकी मिलन बिकले बताए ।

जगनाथ स्वास्थ्य चौकीमा गर्भवती भएदेखि ४ पटन नियमित रुपमा जँचाएको तर मंगलबार अकस्मात् व्यथा लागेर तुरुन्तै शिशु जन्मिएका कारण घरमै सुत्केरी गराइएको ससुरा डिलबहादुर कामीले बताए ।

नवजात शिशुको स्वास्थ्य अवस्था ठीक भए पनि आमाको स्वास्थ्य अवस्था ठीक नरहेको र तारन्तार पखाला लागिरहेको बताइएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: