कोरोना: महिला भन्दा पुरुष धेरै संक्रमित


प्रकाशित मिति :2020-03-27 19:38:42

एजेन्सी। ग्लोबल हेल्थको तथ्यांकन विश्लेषण अनुसार पुरुषहरुको कोभिड–१९ को मृत्युदर महिलाहरुको तुलनामा बढी पाइएको छ ।

राष्ट्रिय स्वास्थ्य संस्थानद्वारा जारी गरिएको तथ्यांकका अनुसार, इटलीमा, जुन कोभिड–१९ को केन्द्र बनेको छ, त्यहाँ कुल कोरोना भाइरस संक्रमणमध्ये ६० प्रतिशत पुरुष थिए ।

चीन तथा दक्षिण कोरियाको तथ्यांक विश्लेषणले पनि यस्तै प्रकारको तथ्यांक देखाएको छ । अमेरिकाले अहिलेसम्म कुल संक्रमितमध्ये कति पुरुष तथा कति महिलाहरु छन् भन्ने बारेमा जानकारी सार्वजनिक गरेको छैन ।

तथ्यांकहरुका अनुसार, इटाली, चीन, जर्मनी, इरान, फ्रान्स, दक्षिण कोरिया आदि देशमा पनि कोरोना भाइरसबाट ज्यान गुमाउनेहरुमा महिलाको तुलनामा पुरुषहरुको संख्या बढी छ ।

त्यसो त, अहिलेसम्म कुनै पनि त्यस्तो वैज्ञानिक अध्ययन भएको छैन, जसबाट पुरुषहरुको मृत्युदर किन बढी भैरहेको छ भन्ने स्पष्ट होस् । यद्यपि, महिलाहरुको तुलनामा पुरुषहरुले अत्यधिक बढी धुम्रपान गर्छन् । त्यसैगरी महिलाहरु तुलनात्मक रुपमा सजग हुन्छन् । उनीहरु सानोतिनो कुरामा पनि निकै सर्तकता अपनाउने गर्छन् । जबकी पुरुषहरु हरेक कुरालाई सामान्य रुपले लिने गर्छन् ।

अर्कोकुरा, कोभिड–१९ ती मानिसहरुका लागि अत्यधिक हानिकारक छ, जो पहिलादेखि नै कुनै बिरामीको शिकार भएका छन्, जसको रोगप्रतिरोधात्मक क्षमता कमजोरी भैसकेको हुन्छ ।

चीनकै उदाहरण हेरौं । चीन विश्वकै सबैभन्दा धेरै जनसंख्या भएको देश हो, जहाँ ५० प्रतिशत पुरुषहरु धूम्रपान गर्छन् भने तीन प्रतिशत महिलाहरुले पनि धूम्रपान गर्छन् ।

त्यस्तै इटालीमा पनि ७० लाख पुरुषहरुको तुलनामा ४५ लाख महिलाहरु धूम्रपान गर्छन् ।

त्यसो त, रिपोर्टहरुका अनुसार इटालीमा कोरोना भाइरसका कारण जति पनि मृत्युहरु भएका छन्, ती मध्ये ९९ प्रतिशत मानिसहरु त्यस्ता व्यक्तिहरु थिए, जो पहिलादेखि नै कुनै न कुनै रोगबाट ग्रसित थिए ।

ती मध्ये ७५ प्रतिशत मानिसहरु उच्च रक्तचापका बिरामीहरु थिए, जसको शिकार अधिकांश पुरुषहरु नै छन् । यसबाहेक पुरुषहरुको संख्या बढ्नुका अन्य कारणहरुमा महिलाहरुको तुलनामा पुरुषहरुले धेरै यात्रा गर्नुलाई पनि अर्को कारण मानिएको छ ।

त्यसो त, ग्लोबल हेल्थको ५०÷५० को विश्लेषण त्यति ब्यापक छैन, किनभने उसको रिपोर्टमा सम्पूर्ण विश्वको केवल २५ प्रतिशत जनसंख्यामात्र आवद्ध छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: