सिन्दूर


प्रकाशित मिति :2020-03-28 10:55:24

-हेमन्त गिरी-

बाका बलिया पाउहरूले
आमाको कमजोर पिठ्यूँलाई
प्रत्येक दिन माया गरेको देखे पछि

भिनाजुका तगडा शुक्रकिटले
दिदीका असहाय डिम्बहरूलाई
प्रत्येक बेतमा अंकमाल गरेको थाहा पाए पछि

दाजुका रंगीला रहरहरूले
भाउजुका बिचरा आँखाहरूलाई
प्रत्येक रात सुत्नै नदिए पछिको सुँकसुकी सुनेपछि

हृदय भित्रको ठूलो क्षेत्रफलमा बनेको
रङको कारखाना बन्द गरेको हुँ मैले !
प्रिया अचेल म,
गुलाबको आयात-निर्यात गर्दिन !

मेरी आमाको ढाडलाई
अलिकती आधारको मलम
जुटाउन सक्छु भन्ने लागेको दिन
मेरी दिदीको पाठेघरलाई
एक चिम्टी समानताको अधिकार
दिलाउन सक्छु भन्ने आँट आएको दिन
अनि
मेरी भाउजुका आँखालाई
अलिकती रहरका गाजलले
पोत्न सक्छु भन्ने विश्वास पलाएको दिन
म स्वीकार गर्नेछु
तिम्रा सिन्दूरी प्रस्तावहरू !

त्यो रातो धर्को
भाग्य रेखाकै बाटो भई बग्दछ प्रिया,
पखालेर लैजान्छ कैयौं रहरहरू
अनि
निर्माण गरिदिन्छ सपनाका
स-साना कुन्डहरूमा
अति विशाल नुनखानी !
जब मानिसलाई
नुन खाने बानी लाग्छ नि,
मानिसले आफ्नो वजुद गुमाउँछ प्रिया !

सहनाईको चर्को आवाजले
मनको आवाजलाई दबाएको दिन देखि
अति चर्को जीवन बाँच्न थाल्छिन बेहुली !
र तिमीलाई यो पनि बताऊँ,
अत्याधिक चर्कोले
अनन्त प्यास लगाइरहन्छ जिन्दगीमा !!

प्रिया,
बन्धनको बहानामा
रातो जीवनको कैदखानामा
एक अर्को पंक्षीलाई म
मेरी आमा, दिदी र भाउजु
बनाउन मन्जुर गर्दिन !
तत्काललाई
असल प्रेमीमा मेरो नाम
नलेखिए नलेखियोस् बरु !!

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: