गर्भवतीलाई हवाई उद्धार गरि काठमाडौं ल्याइयो


प्रकाशित मिति :2020-04-03 11:40:15

ललितपुर । सुत्केरी हुन नसकि प्रसव पीडामा रहेकी सोलुखुम्बुकी एक महिलालाई हवाई उद्धार गरि काठमाडौं ल्याइएको छ ।

सुत्केरी गराउन बिहीबार बिहान स्थानीय प्राथमिक स्वास्थ्य केन्द्रमा लगिएकी सोताङ गाउँपालिका वडा नम्बर ४ कि ३० वर्षीया पुष्पकला राईको गर्भमा रहेको शिशुको स्वास्थ्य अवस्था जटिल रहेको खबर पाउनेवित्तिकै नेपाली सेनाको हेलिकप्टरमार्फत् निःशुल्क हवाई उद्धार गरि काठमाडौं ल्याइएको हो ।

लकडाउनका कारण मुलुक ठप्प भए पनि महिला, बालबालिकातथा ज्येष्ठ नागरिक मन्त्री पार्वत गुरुङको निर्देशनमा काठमाडौं ल्याएलगत्तै थापाथलीस्थित परोपकार प्रसूति तथा स्त्री रोग अस्पतालमा उनको उपचार भईरहेको छ । पेटमा रहेको शिशुको स्वास्थ्य अवस्था जटिल भएपछि आमा र बच्चा दुवैको जीवन रक्षाका लागि काठमाडौं रिफर गर्नु परेको सोताङ प्राथमिक स्वास्थ्य केन्द्रका चिकित्सक डा. आशिष आलोकले जानकारी दिए । उनका अनुसार पेटमा रहेको शिशुले दिसा गरेको र त्यसले उनको स्वास्थ्य अवस्था गम्भीर भएको थियो ।

पेटमा रहेको बच्चाको स्वास्थ्य अवस्था जटिल भएपछि चिकित्सकहरुको सिफारिसमा सुत्केरी हुननसकि प्रसव पीडामा रहेकी आफ्नी श्रीमतीको हवाई उद्धार गरि काठमाडौं ल्याइएको परशुराम राईले बताए । उनले लकडाउनका बेला पनि मन्त्री गुरुङले आफ्नी श्रीमतीको तत्काल हवाई उद्धार गरि उपचारको व्यवस्था मिलाई दिएकोमा खुसी व्यक्त गर्दै धन्यवाद दिनु दिए ।

आमा र पेटमा रहेका शिशुको स्वास्थ्य अवस्था जटिल भएको स्थानीय प्राथमिक स्वास्थ्य केन्द्रले जानकारी गराएपछि सोखुखुम्बुकय प्रमुख जिल्ला अधिकारी रमा आचार्यले हवाई उद्धारका लागि महिला, बालबालिका तथा ज्येष्ठ नागरिक मन्त्रालयमा सिफारिस गरेकी थिइन् ।

राष्ट्रपति महिला उत्थान कार्यक्रम अन्तरगत महिला मन्त्रालयले जटिल स्वास्थ्य अवस्था भएका गर्भवती तथा सुत्केरीको हवाई उद्धार गरि उपचारको व्यवस्था गर्दै आएको छ ।

यसैबीच, मन्त्री गुरुङले उपचाररत ती महिलाको उपचारमा कुनै कमी हुन नदिन अस्पतालका चिकित्सकहरुलाई निर्देशन दिएका छन् । यसअघि गत चैत्र १५ गते पनि अत्याधिक रक्तश्राव भएकी खोटाङकी एक गर्भवतीको हवाई उद्धार गरि मन्त्री गुरुङले उपचारको व्यवस्था मिलाएका थिए ।

मन्त्रालयको राष्ट्रपति महिला उत्थान कार्यक्रम समन्वय ईकाईले हालसम्म ९२ जना सुत्केरी तथा गर्भवती महिलाको हवाई उद्धार गरिसकिएको जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: