लकडाउनमा लोकप्रिय मेयर


प्रकाशित मिति :2020-04-05 15:44:21

रौतहट । विश्वव्यापी रुपमा फैलिएको कोरोना भाइरसको संक्रमण (कोभिड–१९) को सन्त्रास एवं लकडाउनले सर्वसाधारण पीडित भईरहेका छन् ।

लकडाउनको संवेदनशील एवं संकटपूर्ण समयमा रौतहटको मौलापुर नगरपालिकाका मेयर रिना साह भने सर्वसाधारणलाई सहयोग गर्न सक्रिय भएकी छन् ।

मौलापुर नगरपालिकाका स्थानीय बिनय यादवले मेयर साहले आफ्नो निजी प्रयासमा पुरै नगर भरी सेनेटाइज गर्ने, क्वारेन्टाइन निर्माण, औषधि तथा स्वास्थ्य सामाग्रीका साथै गरिव परिवारलाई राहत वितरण गरेको बताए ।

रिना साह, मेयर

एक महिनादेखी नगरपालिकामा लेखाको कर्मचारी नभए पनि कोरोना भाइरसको संत्रास तथा लकडाउनको बेला मेयर साह सर्वसाधारणलाई सहयोग गर्न उनीहरूको घरदैलोमै पुगिरहेको उनले बताए ।

‘नगरपालिकामा एक महिनादेखी लेखाको कर्मचारी छैन, पुरै आर्थिक कारोवार बन्द छ’ यादवले भने, ‘लेखाको कर्मचारी नभए पनि मेयर रिनाले यस्तो बेलामा सर्वसाधारणको घरमै पुगेर राहत वितरण सहितका काममा जुटनुभएको छ ।’

अर्का स्थानीय राजेन्द्र सहनीले रौतहटकै कतिपय ठाउँमा सर्वसाधारण गरिव तथा ज्यालादारीमा मजदुरी गर्ने पीडितहरूले राहत नपाएको समयमा मौलापुरका सर्वसाधारण परिवारले राहत पाउँनुका साथै स्वास्थ्य सामाग्री पाएकाले कुनै समस्या नरहेको बताए ।

‘नगदबिना कÞुनै कामगर्न नसक्ने यो समाजमा रीनाजीको जनता र नगरप्रतिको समर्पण निश्चित रुपमा सराहनीय छ । धन्य छ मौलापुर जसले रीना साह जस्तो मेयर पाएको छ’ सहनीले भने । समस्याका बेला मेयर साहले नगरबासीलाई गरिरहेको सहयोग देशका अन्य जनप्रतिनिधिका लागी पनि सिकाई हुने सहनीले बताए ।

कोरोना भाइरसको संत्रास तथा लकडाउनको संवेदनशील एवं संकटपूर्ण समयमा प्रत्येक नागरबासीको आवश्यक्ता एवं चाहनाअनुसार मेयर साहको सहयोग गर्ने कार्यप्रति नगरबासीले खुशी व्यक्त गरेका छन् ।

प्रदेश २ का स्थानीय तहमा एक मात्र निर्वाचित महिला मेयर साह शुरुदेखी नै सर्वसाधारणलाई सहयोग गर्दै आएकाले नगरबासीको मन जितिरहेकी छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: