सिमानामा क्वारेन्टाइन


प्रकाशित मिति :2020-04-06 20:01:38

-बिमला खड्का-

मलाई लाग्थ्यो
सङ्कट मडारिएको बेला
कसैले सम्झिने छ -जस्तो कि सरकार !
तर के थाहा र
सिमानामा यति क्रूर बन्छ भनेर
भोकले डसेपछि
म हिँडेको थिएँ चौतारी यतै छोडेर
तर आज,
श्रमिककै सत्ता भनिएको बेला
घर फर्किएको म मजदुर
आफ्नो देशको सिमाना छिर्न अयोग्य भए ।

देश ठूलो कि भोक ठूलो ?
बहस गर्नु नै छ भने
एकचोटि भोकको व्याकरण पढेर आऊ !
मेरो पनि छातीभित्र
यही देशको तस्विर टाँसिएको छ
जब दुख्यो देश
खपिनसक्नु गरी आफैँभित्र
तब म फर्किएको हुँ !
सिमानाभित्र बसेर
जति रोक्छौ रोक मलाई
तर म बाहिरै बसेर देशलाई माया गरिरहन्छु !

पहुँच हुनेहरू
सरकारी खर्चमा जहाज चढ्लान
पहुँच नहुनेहरू
मजस्तै पानीमा हेलिएर महाकाली तर्छौ !
खाली पेटले गीता नपढ्दोरहेछ
विदेशिनु मेरो रहर नभएर
पूर्खौँदेखिको कहर हो, सरकार !
सिमानाको तारबार त नाघौंला
तर कसरी भत्काउँ म
यति अग्लो वर्ग बिभेदको पर्खाल ?

मलाई थाहा छ
तिमीले उरा राष्ट्रवाद त
फगत एउटा भट्याउने नारा न हो !
म फर्किएको छु
आफ्नै प्यारो मातृभूमिको काखमा
खै कहाँ छ, सरकार
तिमीले बनाएको क्वारेनटाइन
म हरेक शर्तसहित
ढुक्कले त्यहीँ बस्न चाहन्छु !
म बुझ्दै छु आज
सायद,
हामी मजदुरको कुनै देश हुँदैन !

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: