भोको पेटका लागि एकल महिलाको भोजन सेवा


प्रकाशित मिति :2020-04-18 16:21:06

–महिला खबर–

ललितपुर । बन्दाबन्दीका कारण कोही भोकै नरहुन् भन्ने उद्देश्यले एकल महिलाले समस्यामा रहेका मानिसहरूलाई खाना खुवाइरहेका छन् । मानव अधिकारका लागि महिला एकल महिला समूहको काठमाडौंको बुढानिलकण्ठ नगरपालिका वडा नम्बर ७ हात्तीगौंडामा रहेको छहारी भवन र नगरपालिकाका केही वडामा निःशुल्क भोजन सेवा दिइरहेका छन् ।

‘बन्दाबन्दीले जसको घरमा चुलो बल्दैन, जो भोकै छन्, उनीहरूले पेटभरी खाना पाउन्, कसैले भोकै बस्नु नपरोस भनेर यो सेवा दिइरहेका छौं’ मानव अधिकारका लागि महिला एकल महिला समूहकी संस्थापक अध्यक्ष तथा अभियन्ता लिली थापाले महिला खबरसंग भनिन्, ‘हामीले भोजन दिन शुरु गरेपछि खाना खान आउनेको संख्या हरेक दिन बढिरहेको छ ।’ दैनिक ज्याला मजदुरी गरेर साँझ बिहान पेट गुजारा गर्ने वर्ग, घरमा सहयोगी नभएका वृद्धवृद्धा, अपांगता भएका व्यक्ति, अनाथ र अति विपन्नहरू बन्दाबन्दीले भोकभोकै बस्नु परेपछि एकल महिलाहरूले स्वस्फूर्त रुपले छहारीमा खाना पकाएर वितरण गरिरहेको थापाले बताइन् ।

छहारीमा एकल महिला मात्रै होइन, स्थानीय अरु केही महिलाहरू पनि खाना पकाउन सहयोग गर्न आइरहेको थापाले जानकारी दिइन् । कोरोना संक्रमणबाट बच्न सामाजिक दुरी कायम गर्दै एकल महिलाहरूले भोजन खुवाउने काम शुरु गरेपछि दैनिक ५ देखि ६ सय जनाले पेटभर खाना पाइरहेको पनि उनले बताइन् ।

केही नहुनेलाई पेटभर खाना दिने यो काम बन्दाबन्दी रहुञ्जेलसम्मै संचालन गरिने भएकाले यसमा खाद्यान्न सहयोग गर्न चाहानेलाई पनि सार्वजनिक रुपमा आव्हन गरिएको छ ।

खाना खुवाउने काम यही बैहाख ४ गतेदेखि शुरु गरिएको हो । छहारीमा पाक्ने खाना छहारी लगायत बुढानिलकण्ठका केही वडामा लगेर बेलुकी ४ देखि ६ बजेसम्म स्वयंसेवकहरू मार्फत वितरण गरिरहेको संस्थापक अध्यक्ष थापाले जानकारी दिइन् । खाना नपाएर भोकै बस्नु पर्ने अवस्थाका मान्छेहरूलाई यो समयमा खाना खान आउन पनि उनले आग्रह गरेकी छन् ।

 

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: