विपतमा पनि रोकिएन बेचबिखन: राजस्थानबाट १७ वर्षकी बालिकाको उद्धार


प्रकाशित मिति :2020-04-19 14:48:22

ललितपुर । कोरोना महामारीका कारण नेपाल-भारत सीमा पूर्ण रूपमा बन्द रहेका बेला पनि मानव तस्करहरु सक्रिय रहेका छन्। भारतमा गत मार्च २१ देखि पूर्ण रूपमा लकडाउन छ। योसँगै नेपाल-भारत सीमामा आवतजावत पनि ठप्प छ। लकडाउनकै बीच अर्थात् मार्च २४ तारिखमा भारतको उत्तरी राज्य राजस्थान पुर्‍याइएकी एक किशोरीलाई मानब बेचबिखनविरूद्ध कार्यरत संस्था आफन्त नेपालले उद्धार गरेको छ।

आफन्त नेपालका अनुसार पोखराकी १७ वर्षकी किशोरीलाई भारतको राजस्थानबाट उद्दार गरिएको छ । किशोरीका अनुसार पोखरामा रहँदा एकजना चिनजानको महिलाले आफ्नो घरमा जाऔं भनी लगेर मिठाई खान दिएको र त्यसपछि आफूलाई चक्कर आई बेहोस भएको र आफूलाई होश आउँदा अन्जान शहरमा पाएको बताएकी छन् । आफूलाई सडकमा एक्लै पाएको र आफू जोखिम अवस्थामा देखेपछि आश्चर्यचकित भएर पुलिसको सहयोग मागेको र पुलिसले पनि कोरोना परीक्षणको लागि हस्पिटलमा भर्ना गराएको उनले बताइन् ।

त्यसपश्चात् किशोरीलाई एक अस्पतालको क्वारेन्टाइनमा राखिएको र क्वारेन्टाइनमा रहँदा किशोरीको बारेमा क्वारेन्टाइनमा नै रहेका फ्रेन्च नागरिकहरुले नेपाल राजदुतावास नयाँ दिल्लीलाई खबर गरेका थिए । सोको जानकारी पाएपछि दूतावासले आफन्त नेपाललाई जानकारी दिएपश्चात विभिन्न माध्यमबाट अस्पताल ब्यवस्थापनसँग सम्पर्क गरिएको आफन्त नेपालले जनाएको छ ।

संस्थाका निर्देशक इन्द्रराज भट्टराईका अनुसार बालिकाको उद्धार र पुनर्स्थापनाका लागि राजस्थानको जयपुरस्थित चाईल्ड लाईन र जयपुर पुलिससँग समन्वय गरी कानुनी प्रक्रिया पूरा गरेपछि बालकल्याणको संरक्षणमा राखिएको छ । किशोरीको बिषयमा नेपाली दुताबास लगायत विभिन्न निकायहरुले अनुसन्धान सुरु गरेको साथै हालको विषम परिस्थितिलाई मध्यनजर गर्दै परिस्थिति अनुकूल भएपछि स्वदेश फिर्ता गरिने आफन्त नेपालका निर्देशक भट्टराईले महिला खबरलाई बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: