महिला मेयर भएको मौलापुर नगरपालिकाले स्वास्थ्यकर्मीलाई ५० प्रतिशत प्रोत्साहन भत्ता दिने


प्रकाशित मिति :2020-04-24 16:20:38

गौर । रौतहटको मौलापुर नगरपालिकाले कोरोना भाइरस (कोभिड–१९) को संक्रमण नियन्त्रण एवं रोकथामका लागि कार्यक्षेत्रमा खटिएका स्वास्थ्यकर्मीलाई तलबको ५० प्रतिशत रकम प्रोत्साहन भत्ता दिने भएको छ ।

मौलापुर नगरपालिकाले आफ्नो मातहतका अस्पताल, स्वास्थ्य चौकी, प्राथमिक स्वास्थ्य केन्द्रलगायतका स्वास्थ्यसंग सम्बन्धित निकाय तथा क्वारेन्टाइन र आइसोलेसनमा खटेका डाक्टर, हेल्थ असिस्टेन्ट, नर्स, प्यारामेडिक्स लगायतका कर्मचारीलाई प्रोत्साहन भत्ता दिन लागेको हो ।

मौलापुर नगरपालिकाकी प्रमुख रीना कुमारी साहले विषम परिस्थितिमा जोखिम मोलेर काम गर्ने स्वास्थ्यकर्मीहरुको मनोबल बढाउन प्रोत्साहन भत्ताको व्यवस्था गरेको बताइन् ।

प्रदेश नम्बर २ मै एक मात्र महिला स्थानीय तह प्रमुख रहेकी नगरप्रमुख साहले भनिन्, ‘कोरोना भाइरसको महामारी नियन्त्रण गर्न देश नै लकडाउनको स्थितिमा रहेको अवस्था छ । सारा नगरवासी तथा अत्याधिक कर्मचारी घरमा छन् । तर स्वास्थ्यकर्मीहरु भने दिनरात फिल्डमा छन् । कोरोना भाइरस नियन्त्रणका जोखिम मोलेर काम गरिरहेका स्वास्थ्यकर्मीहरु धन्यवादका पात्र हुन् । तर त्यति मात्रले पुग्दैन भन्ने निष्कर्षका साथ उनीहरुको योगदानको कदरस्वरुप नगरपालिकाले तलबको ५० प्रतिशत रकम प्रोत्साहन भत्ता दिने निर्णय गरेको छ ।’

    Comment Here!

Related NEWS
मुख्य खबर

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

Read more
© 2015.All rights reserved by mahilakhabar.com
%d bloggers like this: