बन्दाबन्दीको एक महिनामा कैलालीमा १२ महिलाद्वारा आत्महत्या


प्रकाशित मिति :2020-04-26 20:43:55

-महिला खबर-

कैलाली । बन्दाबन्दीको एक महिनामा मात्रै कैलाली जिल्लामा १२ जना महिलाले आत्महत्या गरेका छन् ।

कोरोना संक्रमण रोकथाम र नियन्त्रणका लागि २०७६ चैत्र ११ गतेबाट सरकारले गरेको बन्दाबन्दीमा परिवारका सबै सदस्य घरमै भएका बेला पनि जिल्लामा १२ जना महिलाले आत्महत्या गरेका हुन् ।

जिल्ला प्रहरी कार्यालय कैलालीका प्रवक्ता दक्षकुमार बस्नेतका अनुसार यो अवधिमा ११ जना महिलाले झुण्डिएर र एक जनाले विष सेवन गरि आत्म हत्या गरेका छन् । जसमा चार महिलाको आत्महत्या दुरुत्साहन अन्तर्गत ज्यान गएको भन्दै माइती पक्षले मुद्दा दर्ता गरेका छन् ।

प्रहरीका अनुसार पुजा टमट्टा, फिरिया चौधरी, ज्ञानु थापा, विसरा चौधरी, लौनियादेवी चौधरी, किरन राना, बसरामीदेवी चौधरी, तुल्सी घर्ती क्षेत्री चौधरी, सुनिता चौधरी, टिका विक र गौरी साउदले झुन्डिएर र धनगढी उपमहानगरपालिका १३ कि जानकीदेवी धामीले विष सेवन गरि आत्म हत्या गरेका छन् ।

झुन्डिएर आत्महत्या गरिएका मध्ये तुल्सी घर्ती क्षेत्री चौधरी, सुनिता चौधरी, टिका विक र गौरी साउदका माइती पक्षले आत्महत्या दुरुत्साहन अन्तर्गत मुद्दा दर्ता गराएका छन् ।

अधिकारकर्मी तथा अधिवक्ता डा। जानकी तुलाधर बन्दाबन्दीमा परिवारका सबै सदस्य घरमै भएको अवस्थामा समेत महिलाहरूले यसरी ज्यान गुमाउनुलाई राज्यले गम्भीर ढङ्गले लिनुपर्ने र महिला हिंसाविरूद्व विशेष पहल चाल्नुपर्ने बताउँछिन् ।

बन्दाबन्दीको बेला महिलाहरू थप हिंसामा परेको कुरालाई एउटै जिल्लामा एक महिनाको अवधिमा १२ जना महिलाले अकालमै ज्यान गुमाएको घटनाले पनि थप प्रमाणित गरेको डा। तुलाधरको भनाइ छ ।

मुलुकी अपराध संहिता २०७४ ले कसैले कसैलाई आत्महत्या गर्न दुरुत्साहन दिन वा त्यस्तो काम गर्ने सम्मको परिस्थिति खडा गरे वा गराए पाँच वर्षसम्म कैद र पचास हजार रूपैयाँसम्म जरीवाना गराउने कानूनी व्यवस्था गरेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: