तिम्रो र मेरो लकडाउन बिचको भिन्नता


प्रकाशित मिति :2020-05-01 11:06:52

-डा. वीरेन्द्र के सी-

चिनको उहान शहरबाट सुरु भएको
कोरोना भाईरसको त्रासदिले
सारा संसार छोपिदिदा
संक्रमण अरु नफैलियोस् भनेर
आफ्नै घरमा केही समयको लागी
तिम्रो लकडाउन सुरु भयो ।

बच्चा र आमा मध्य
एउटालाई मात्र बचाउन सक्ने
चिकित्सकको कुरा सुनेर
आफू मरेर मलाई जन्म दिने
मेरी आमाको मृत्युपछि
अर्को बिहे गरेर बाबा अर्कै भइदिदा
सौतेनी आमाबाट जब म बेचिए
बम्बैको काल कोठीमा
मेरो लकडाउन सुरु भयो ।

तिम्रो लकडाउन
हरेक अखबारका पानाहरूमा छ
मेरो लकडाउन
फगत कविता र गानाहरूमा छ
तिमीलाई सम्भावित मृत्युबाट बचाउन
संसारले रक्षक बनेर हात फैलाएको छ
मलाई भने त्यही संसारले
भक्षक बनेर पलपल मेरो जवानी मैलाएको छ ।

तिम्रो लकडाउनमा झरेको आशु
र मेरो लकडाउनमा झरेको आशुको
रंगमा समानता भए पनि
रसमा आकाश पातालको भिन्नता छ
तिम्रो आशुमा मृत्युको भय छ
मेरो आशुमा जीवनको भय छ ।

तिम्रो लकडाउनको अन्त निश्चित छ
मेरो लकडाउनको अन्त अनिश्चित छ
तिम्रो लकडाउनको सिमा
भाईरसको अन्तसंग जोडिएको छ
मेरो लकडाउनको सिमा
मेरो जीवनको अन्तसंग जोडिएको छ ।

म चाहन्छु
तिमीलाई तिम्रो लकडाउनबाट
छिट्टै बाहिर निस्कनु परोस्
मलाई भने मेरो लकडाउनबाट
जिवितै बाहिर निस्कन नपरोस्
किनकि तिम्रो लकडाउनको दुनियामा मान छ
मेरो लकडाउनको दुनियामा अपमान छ
तिमीले लकडाउनबाट मान कमाएका छौ
मैले लकडाउनबाट बदनाम कमाएकी छु ।

तिम्रो लकडाउन
अन्त मात्र होईन, अन्तिम भईदियोस्
विज्ञानले यस्तो चमत्कार गरिदियोस्
कि फेरि कहिल्यै मानिसले
घर भित्रै बन्दि बस्नु नपरोस्
तिम्रो जस्तै
मेरो लकडाउन पनि अन्तिम भईदियोस्
मानवमा मानवता मौलाओस्
महिलाप्रतिको बिषालु नजरको अन्त होस्
ता कि फेरि म जस्तै अरु कुनै चेली
यसरी काल कोठीभित्र
लकडाउनमा बस्नु नपरोस् ।

(जन्मस्थान दाङ, हाल न्यूजिल्याण्ड)

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: