बन्दाबन्दीमा १ सय ७६ महिला तथा बालिकामाथि हिंसा


प्रकाशित मिति :2020-05-05 15:32:54

–महिला खबर–

ललितपुर । बन्दाबन्दी शुरु भएदेखि १८ जिल्लामा १ सय ७६ जना महिला तथा बालिकामाथि विभिन्न प्रकारका हिंसा भएको पाईएको छ । महिला पुनस्र्थापना केन्द्र (ओरेक) ले गरेको अभिलेखिकरण अनुसार बन्दाबन्दीका बेला महिला तथा बालिकामाथि हिंसा भएको हो ।

ओरेकका कार्यकारी निर्देशक लुभराज न्यौपानेद्वारा जारी प्रेस विज्ञप्तिमा यस अवधिमा सञ्चालन गरिएका ३ वटा हटलाईन, मनोविमर्शकर्ता, महिला मानव अधिकार रक्षक, साझेदार महिला सामुदायिक संस्थाहरुबाट घटनाहरु अभिलेखिकरण गरिएको हो । यी मध्ये ९ वटा घटनाहरु सञ्चार माध्यमबाट संकलन गरिएका छन् । गएको हप्ता बैशाख १२ देखि १९ सम्ममा ४८ जना महिला तथा बालिकामाथि विभिन्न किसिमका हिंसा भए ।

जसमा १ सय ३ घरेलु हिंसा, १५ वटा सामाजिक हिंसा, २६ वटा बलात्कार, ५ बलात्कारको प्रयास, १ हत्या, २ हत्या वा आत्महत्या अनुसन्धानको क्रममा रहेको, ७ वटा यौन दूव्र्यवहारका घटना, ११ आत्महत्या, २ वटा आत्महत्याको प्रयास, २ हत्याको प्रयासका घटना र २ साइवर अपराधसँग सम्बन्धित घटना रहेका छन् ।

हिंसा गर्ने व्यक्तिहरुमा सबैभन्दा बढी ७८ जना श्रीमान् रहेका छन् र ३७ जना परिवारका सदस्यहरु छन् । यो अवधिमा संकलन भएका २६ वटा बलात्कारका घटनाहरु मध्ये २ वटा सामूहिक बलात्कारकार हुन् । जुन गत हप्ता मात्र संकलन भएको हो । यस घटनामा प्रेमि र उनका साथीहरु संलग्न रहेको पाईएको छ ।

घटनामध्ये ७४ जना प्रहरीमा उजुरी दर्ताका लागि गए । २२ जना मेलमिलाप समितीमा गए भने २१ जना हिंसा सहन नसकेर आमाबुवाको घर÷आफन्तकोमा गएर बसिरहेका छन् । बाँकी प्रभावितहरुले कुनै पनि निकायमा सहयोगका लागि उजुरी गरेका छैनन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: