युवतीलाई आत्महत्या गर्न बाध्य पारेको आरोपमा युवक पक्राउ


प्रकाशित मिति :2020-05-11 10:53:22

–महिला खबर–

ललितपुर । कैलालीकी युवतीलाई आत्महत्या गर्न बाध्य पारेको आरोपमा एक युवक पक्राउ परेका छन् । जिल्ला प्रहरी कार्यालय कैलालीका प्रहरी प्रवक्ता प्रहरी नायब उपरीक्षक दक्षकुमार बस्नेतका अनुसार युवतीको फेसबुक म्यासेन्जरबाट अश्लिल भिडियो तथा फोटोहरु पठाई युवतीलाई आत्महत्या गर्न बाध्य बनाएको आरोपमा आइतबार कञ्चनपुरको बेलौरी नगरपालिका वडा नम्बर ७ का २३ वर्षीय सन्तराम चौधरी पक्राउ परेका हुन् ।

प्रहरीका अनुसार आफ्नो फेसबुक म्यासेन्जरबाट आफन्त, नातागोता र साथीहरुलाई अश्लिल भिडियो तथा फोटोहरु गएको थाहा पाएपछि कैलालीको गौरीगंगा नगरपालिकाकी युवतीले शनिबार बिहान धनगढी उपमहानगरपालिका वडा नम्बर ६ जालीको सुकुटी नालामा झुण्डिएर आत्महत्या गरेकी थिईन् ।

आरोपित, सन्तराम चौधरी

युवतीको फेसबुक प्रयोग गरि अश्लिल भिडियो र फोटो पठाएको भन्दै आफन्तले सन्तराम चौधरीविरुद्ध आत्महत्या दुरुत्साहनमा उजुरी दिएपछि प्रहरीले उनलाई पक्राउ गरेको जनाएको छ । पक्राउ परेका चौधरीको मोबाइलमा युवतीको फेसबुक लग ईन अवस्थामै भेटिएको पनि प्रहरी नायब उपरीक्षक बस्नेतले जानकारी दिए ।

महिला खबरसंग कुरा गर्दै प्रहरी नायब उपरीक्षक बस्नेतले चौधरीले पठाएको अश्लिल भिडियो र फोटो कसको हो भन्ने पत्ता लागेको छैन । यस बारे अनुसन्धान भइरहेको उनले बताए ।

मुलुकी अपराध संहिता २०७४ मा कसैले कसैलाई आत्महत्या गर्न दुरुत्साहन दिन वा त्यस्तो काम गर्ने सम्मको परिस्थिति खडा गरे वा गराए पाँच वर्षसम्म कैद र पचास हजार रूपैयाँसम्म जरीवाना गराउने कानूनी व्यवस्था छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: