मन्त्री गुरुङको निर्देशनमा क्वारेन्टाईनमा रहेका दुई बालबालिकाको संरक्षण


प्रकाशित मिति :2020-05-11 18:32:33

ललितपुर । सरकारले कपिलबस्तुको क्वारेन्टाईनमा रहेका २ जना बालबालिकाको संरक्षणको व्यवस्था गरेको छ ।

शिवराज नगरपालिकाको क्वारेन्टाईनमा रहेका सहाराविहीन ९ वर्षीया बालिका र १० वर्षका बालकलाई महिला, बालबालिका तथा ज्येष्ठ नागरिक मन्त्रालय अन्तरगतको राष्ट्रिय बाल अधिकार परिषद्ले चितवनस्थित दियालो परिवारद्वारा संचालित बाल हेल्पलाईनमा संरक्षणको व्यवस्था गरेको हो ।

क्वारेन्टाइनमा रहेका बालबालिकालाई आईतबार (हिजो)जिल्ला प्रशासन कार्यालय कपिलबस्तुबाट पासको व्यवस्था गरि चितवनमा ल्याई संरक्षणको व्यवस्था गरिएको परिषद्का प्रमुख प्रशासकीय अधिकृत कृष्णप्रसाद भुसालले जानकारी दिए ।

सहाराविहीन बालबालिका क्वारेन्टाइनमा रहेको समाचार आउनेवित्तिकै महिला, बालबालिका तथा ज्येष्ठ नागरिकमन्त्री पार्वत गुरुङले तत्काल उनीहरुको संरक्षणको व्यवस्था मिलाउन परिषदलाई निर्देशन दिएका थिए । मन्त्री गुरुङको निर्देशन तथा कपिलबस्तु जिल्ला प्रशासन कार्यालय, शिवराज नगरपालिका, दलित मानवअधिकार निगरानी समिति र दियालो परिवारसँग समन्वय गरी उनीहरुको संरक्षणको व्यवस्था गरिएको पनि परिषद्ले जनाएको छ ।

लकडाउनकै बीचमा काठमाडौंको एक इट्टा उद्योगमा काम गरिरहेका आमाले छोडेर गएपछि विचल्लीमा परेका उनीहरु सो उद्योगमा काम गर्ने अरु व्यक्तिसँगै कपिलबस्तु पुगेपछि शिवराज नगरपालिकाको क्वारेन्टाइनमा राखिएको थियो । त्यहीँ उनीहरुको स्वाव परीक्षण गरि रिर्पोट नेगेटिभ आएपछि बाल हेल्पलाईन चितवनमा संरक्षणको व्यवस्था मिलाइएको परिषदका प्रमुख प्रशासकीय अधिकृत भुसालले बताए । परिषदले लकडाउन यतामात्रै काठमाडौं उपत्यका र बाहिरका मुख्यमुख्य सहरमा गरी करिव ४० जना सहाराविहीन बालबालिकाको उद्धार गरि संरक्षणको उचित व्यवस्था मिलाइएको जनाएको छ ।

यसैबीच, मन्त्री गुरुङले सडकमा अलपत्र परेका कुनै पनि बालबालिका भेटिए प्रहरी बालबालिका खोजतलास तथा समन्वय केन्द्रको हटलाईन सेवा १०४ मा तत्काल जानकारी गराउन पनि सबैलाई अपिल गरेका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: