आरजूको अभियानः सुत्केरी तथा गर्भवतीलाई पोषणयुक्त खाना


प्रकाशित मिति :2020-05-15 15:55:14

–महिला खबर–

ललितपुर । बन्दाबन्दीमा सुत्केरी तथा गर्भावस्थाका कुनै पनि महिला कुपोषित नहोउन् भन्ने उद्देश्यले पोषणयुक्त खाना उपलब्ध गराउन थालिएको छ ।

सुरक्षित मातृत्व सञ्जाल महासंघ केन्द्रीय कार्यालयको सहयोगमा प्रदेश नम्बर दुई, सुदूरपश्चिम प्रदेशका कैलाली कञ्चनपुर लगायत अन्य केही जिल्लामा आर्थिक रुपमा विपन्न सुत्केरी तथा गर्भवतीहरूलाई पोषणयुक्त खाना दिने अभियान थालिएको हो ।

सुरक्षित मातृत्व सञ्जाल महासंघका केन्द्रीय अध्यक्ष तथा कांग्रेस नेता डा. आरजू राणाका अनुसार दैनिक मजदुरी गरेर जीविकोपार्जन गर्ने सुत्केरी तथा गर्भवतीहरुलाई यो बन्दाबन्दीले समस्या पारेपछि महासंघले यो अभियान थालेको हो ।

यो अभियानबाट बन्दाबन्दीले हातमुख जोर्न अप्ठ्यारो भएका अति गरिव, विपन्न परिवारका सुत्केरी तथा गर्भवतीहरुलाई केही दिन भए पनि राहत मिलेको पनि डा. राणाको भनाइ छ ।

सुरक्षित मातृत्व सञ्जाल महासंघका कैलाली अध्यक्ष तथा युवा नेता विनय लामाले अभियान अन्तरगत कैलाली र कञ्चनपुरका मुक्त कमैया तथा सुकुम्वासी वस्तीका सुत्केरी तथा गर्भवतीलाई सहयोग गर्न आफूहरु वस्ती वस्ती पुगिरहेको बताए ।

संस्थाले पोषणयुक्त खाना दिन शुरु गरेपछि दिनदिनै विभिन्न ठाउँबाट सहयोग माग्ने क्रम बढिरहेको पनि लामाले महिला खबरलाई बताए ।

सुरक्षित मातृत्व सञ्जाल महासंघका कैलाली अध्यक्ष लामाका अनुसार संस्थाले पोषण खानाअन्तर्गत परिवार हेरेर चामल, तेल, अण्डा, नुन, चिनी, दाल, आलु लगायत डिटोल साबुन र मास्क दिने गरेको छ ।

कुनै पनि विपन्न अवस्थाका सुत्केरी तथा गर्भवतीलाई यो सेवा आवश्यक परे तुरुन्त सम्पर्क गर्न पनि उनले अनुरोध गरेका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: