हेलिकप्टरबाट उद्वार गरिएकी सुत्केरीको मृत्यु


प्रकाशित मिति :2020-05-23 17:07:13

ललितपुर । संखुवासभाको खाँदबारीबाट हेलिकप्टरबाट उद्धार गरि थप उपचारका लागि काठमाडौं ल्याइएकी गङ्गा कार्कीको मृत्यु भएको छ । खाँदबारी नगरपालिका–६ कि कार्कीको उपचारका क्रममा काठमाडौंस्थित परोपकार प्रसूति गृह तथा स्त्रीरोग अस्पताल थापाथलीमा शुक्रबार राति साढे १० बजे उनको मृत्यु भएको हो ।

नवजात शिशु गुमाएकी ३२ वर्षीया कार्कीलाई महिला, बालबालिका तथा ज्येष्ठ नागरिकमन्त्री पार्वत गुरुङको पहलमा नेपाली सेनाको हेलिकप्टरमार्फत शुक्रबार ४ बजे काठमाडौँ ल्याइएको थियो । उनीलाई जिल्ला अस्पतालमा उपचार हुन नसकेपछि थप उपचारका लागि प्रसूति गृह लगिएको थियो ।

उनीलाई गत चैत ४ गते जिल्ला अस्पताल खाँदबारीमा भर्ना गरिएको थियो । चिकित्सकले शिशु अप्ठ्यारो गरेर बसेको पत्ता लगाएपछि उनीलाई विराटनगरस्थित नोबेल अस्पताल रिफर गरिएको थियो ।

सो अस्पतालमा मृत शिशु जन्मेपछि उनी बेहोस भएकी थिइन् । त्यहाँ उनका परिवारले रु. दुई लाखभन्दा बढी खर्च गरेका थिए । आर्थिक रुपमा अत्यन्त विपन्न उनीहरुले अस्पतालमा थप शुल्क तिर्न नसकेपछि घर फर्काएका थिए भने घरमा थप समस्या भएपछि जिल्ला अस्पताल भर्ना गरिएको थियो ।

जिल्ला अस्पतालमा भर्ना नहुदै बेहोस् भएकी उनको राष्ट्रपति महिला उत्थान कार्यक्रम अन्तरगत हेलिकप्टरमार्फत उद्दार गरि काठमाडौं ल्याइएको महिला, बालबालिका तथा ज्येष्ठ नागरिकमन्त्री पार्वत गुरुङका प्रेस संयोजक सन्तोष खड्काले जानकारी दिए ।

    Comment Here!

Related NEWS
मुख्य खबर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

Read more
ताजा अपडेट
© 2015.All rights reserved by mahilakhabar.com
%d bloggers like this: