रगतको कथा


कविता

प्रकाशित मिति :2020-05-25 20:04:49

आफ्नो कुमारित्वको
रगतमा जबर्जस्ती
लतपतिएँ जुन दिन
त्यस दिनदेखि तर्सन्छु
हरेक रगतको टाटोसँग
लाग्छ, प्रत्येक रगतको
पीडा मेरै जस्तो हुँदो हो

रातोः पराक्रम जनाउँने रङ्ग
जवानीको रङ, उन्मादको रङ
र, पनि मलाई किन किन
कहिल्यै मन परेन यो ?
किनकी,
त्यहि रातो रङको लेपनमा
जन्मिएका थिए
मेरो कुमारित्व खोस्नेहरू पनि

रातो भएकै कसुरमा म घृणा गर्छु
आगोलाई पनि
भत्भती पोल्ने यसको धर्म
र, मैले पोलाई खपेको त्यो समय
कहिल्यै भिन्न लागेन
सँधै लागि रह्यो कुमारी रगत
अनि बलीका लागी
पर्सिएका प्राणीका रगतका
कथारव्यथा
सायद एउटै भएर होला !
प्राणी रेटिन्छन्
पत्थरको देबीलाई खुसी पार्न,
अन्धबिस्वासको खुकुरीले
अनि बिटुल्याइन्छ अर्की साक्षात देबीलाई
कुमारीत्वको बली लिएर !

प्रीति कार्की

मन एक तमासले कुँडिन्छ
सम्झेर केही थान नरअसुरहरू
जसलाई लागिरह्यो, लागिरहेछ
भाले हुनु भनेको झम्टिन सक्ने हुनु हो
र, खनिनु हो निम्छरोमाथि
अनि गाइरह्यो एउटा युगले तिनैका
बहादुरीका गीत
र, त आज पनि छोरी हुनुमा
पुर्पुरो समाउनेको जमात भेटिन्छ

मन कुँडिए पनि
मगज क्रान्तिकारी बन्दा
रगतै रगतैको होली खेल्दा
मजा मान्नेहरुलाई
सुत्केरीको रगतमा लतपताएर
भन्ने मन छ
यहि हो तिम्रो असलि अस्तित्व
अनि रजस्वलाको रगतसमेत
नछाड्नेहरुलाई सझाउन मन छ
अपमानको बदलामा द्रौपदीले
महाभारत रचेको कुरा।
ता कि महसुस गरुन्
तिनले रगतको पीडा
त्यसले दिएको आँशु
र , पुकार मिसिएको चित्कार !

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: