मर्यादित महिनावारी सम्बन्धमा वेबिनार


प्रकाशित मिति :2020-05-26 16:41:01

ललितपुर । महिनावारीलाई मर्यादाकेन्द्रित रहीसम्बोधन गर्न महिला, बालबालिका तथा ज्येष्ठ नागरिक मन्त्रालयले आज विद्युतीय गोष्ठी (वेबिनार) आयोजना गरेको छ । दक्षिण गोलार्द्धीय मर्यादित महिनावारी सञ्जालको सहकार्यमा महिनावारी महिना र राष्ट्रिय महिला अधिकार दिवस पारेर गोष्ठी आयोजना गरिएको हो ।

करिब दुई घण्टा लामो गोष्ठीमा बोल्दै महिला, बालबालिका तथा ज्येष्ठ नागरिक मन्त्री पार्वत गुरुङले महिनावारी सम्बन्धमा विद्यमान परम्परागत दृष्टिकोण परिवर्तन गर्दै मर्यादित महिनावारीको बृहत् अभियानमाथि प्रकाश पारेका थिए । उनले महिनावारी सम्बन्धी रहेरभएका गलत ज्ञान, धारणा र व्यवहारले महिलामाथि लैगिक विभेद, असमानता र हिंसा सिर्जना गरेको बताउँदै नेपाल सरकारलाई यस्तो मान्य नहुने कुरामा जोड दिए ।

मन्त्री गुरुङले मन्त्रालयले छाउपडी गोठ अन्त्य गर्दै मन्त्रालयका सम्बन्धित नीति र कार्यक्रममा मर्यादित महिनावारी मूलप्रवाहीकरण गरिरहेको जानकारी पनि दिए ।

मन्त्रालयका सचिव यमकुमारी खतिवडाले महिनावारी बार्ने चलन वा छाउपडीले निम्त्याएका सबै लैंगिक विभेद र हिंसालगायत सबैखाले हानिकारक अभ्यासहरुले निम्त्याउने लैंगिक हिंसाविरुद्द मन्त्रालय सदैव प्रतिबद्द रहेको जानकारी दिइन् ।

त्यसैगरी मर्यादित महिनावारीकी अग्रणी तथा दक्षिण गोलार्द्धीय मर्यादित महिनावारी सञ्जालकी संस्थापक राधा पौडेलले कार्यपत्र प्रस्तुत गर्दै नेपाललगायत संसारभर नै महिनावारी सम्बन्धमा विद्यमान धारणा र अभ्यासहरुले मानव अधिकारका विभिन्न सिद्धान्त हनन् गरेको बताइन् । यस्तो अभ्यास लैंगिक विभेद र हिंसाको मूलकारण भएको भन्दै उनले लैंगिक विभेद र हिंसा रोकथाम गर्न मर्यादित महिनावारी अत्यन्तै महत्वपूर्ण भएको बताइन् ।

सरकारले मर्यादित महिनावारीको बृहत् अभियान नेतृत्व गरेकोमा उनले धन्यवाद पनि दिइन्।

राष्ट्रिय मानवअधिकार आयोगका अध्यक्ष माननीय अनुपराज शर्माले महिला मानवअधिकारका लागि मर्यादित महिनावारीमा प्रकाश पारे ।

कार्यक्रममा सामाजिक विकास समिति अध्यक्ष निरुदेवी पाल, प्रदेश सांसद मञ्जु यादव, सांसदहरु पार्वती विशुङ्खे, डा। बिन्दा पाण्डे, डा। विमला राई पौडेल, अभियन्ता महेश नेपालीलगायत २० देशबाट झन्डै ४ सय सहभागीहरुले भाग लिएका थिए ।

मन्त्रालयले ुमहिनावारीका कुरा, मर्यादा केन्द्रित भए मात्र हुन्छ पूरा (Menstrual Talk, Dignity First)नारामा केन्द्रित रहेर जेठ १३ देखि १५ सम्म आयोजना गरेको अन्तर्राष्ट्रिय मर्यादित महिनावारी कार्यशाला गोष्ठी कोरोना भाइरसका कारण स्वरूप परिवर्तन गरेर वेबिनार आयोजना गरेको हो ।

मन्त्रालयले मन्त्रीकै नेतृत्वमा मर्यादित महिनावारीमा सुदूरपश्चिेम, कर्णाली र बाग्मती प्रदेशमा बृहत् अन्तर्क्रिया गर्दै विभिन्न कामहरु गर्दै आएको छ । मर्यादित महिनावारी मूलप्रवाहीकरण गर्न मन्त्रालयले सम्पूर्ण सरोकारवालालाई अपिलसमेत गरेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: