कस्तो जुक्ति !


प्रकाशित मिति :2020-05-31 18:05:56

म जन्मे पीडा, तिमी जन्मे प्रभुको लिला
म जन्मे फर्सी, तिमी जन्मे खसी
आखिर किन ?
आखिर किन तिम्रो पास्नी मेरो भन्दा ढिला ?

मलाई घर भित्र खेलौना अर्पिने
तिम्लाई मैदान सुम्पिने
कस्तो जुक्ति ?
कस्तो जुक्ति मलाइ खुम्चाउने तिम्लाई फुकाउने ?

मलाई टीका, लाली, फरियामा भुलाउने
आफू भने संसारलाई खेलाउने
आखिर किन ?
आखिर किन आफूमात्र माथी लम्किने जुक्ति लगाउने ?

नुरा सापकोटा दुर्गा

मेरो जवानी सबैको आँखाको नानी
तिम्रो जवानी अगाडि बढ्ने खानी
कस्तो जुक्ति ?
कस्तो जुक्ति मेरो शरीरमा अधिकार जमाउने ?

मलाई ‘मारे पाप पाले पुण्य’ भनि तिम्लाई सुम्पिने
अनि तिमी मर्दांगी देखाएर हात उठाउने
आखिर किन ?
आखिर किन मलाई बस्तुको भाउमा तौलिने ?

मलाई सिँन्दूर पोते भिडाउने
अनि आफू भने संसार झुकाउने
कस्तो जुक्ति ?
कस्तो जुक्ति मेरो यौनिकता दबाउने ?

मेरो लागि संस्कार, रीति रिवाज
तिम्रो लागि मात्र खुल्ला आकाश
आखिर किन ?
आखिर किन म जिन्दगी काट्ने अनि तिमि चै बाँच्ने ?

म अघि मरे तिमी चाई फुक्ने
तिमी अघि मरे मलाई किन टोक्ने
कस्तो जुक्ति ?
कस्तो जुक्ति आफू मरेपछि पनि मलाई बन्धि बनाउने ?

मलाई दुर्गा, लक्ष्मी, सरस्वती बनाई पूजा गर्ने
तिमीलाई सत्ता, सम्पति र शिक्षाको हकदार मान्ने
आखिर किन ?
आखिर किन आफ्नै देउतालाई बलात्कार गर्ने ?

मचाहिँ मानवता खोज्दै हिँड्ने
तिमीचाहिँ पितृसत्ता जोगाउन भिँड्ने
आखिर किन ?
आखिर किन हामी दुवै केवल मानव भएर बाँच्न नसक्ने ?

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: