निर्भीक अन्तरमन


प्रकाशित मिति :2020-06-05 08:35:48

धमिलो सम्झना छ – बाल्यकालको

बिहानै आमाको स्वरसँग जाग्नु
कटेरोमा गाईको कुँडो पकाउनु
भान्सामा चिया तयार गर्नु
बिहानको घरधन्दा सकेर
हत्केला र नाडीमा लागेको कालो मोसो
थुकले पुछ्दै स्कूल दौडनु !

फेरि पनि
कक्षामा हार्न मन नलाग्नु
के थियो होला मभित्र त्यस्तो !

दिपा राइ पुन

भान्सामा नाच्दानाच्दै भात डढ्नु
गीत गाउँदागाउँदै तरकारी डढ्नु
कक्षामा कसरी राम्रो गर्ने सोच्दासोच्दै
दाल भुसुक्क सुक्नु !

स्कूलमा केटाहरूसँग ‘भाले जुधाई’ खेल्नु
पटक्कै हार्न मन नलाग्नु
आमाले कराएको सुन्दै नसुन्नु
केही त अर्थ थियो होला नि !

वर्षौँ बितेर गए पनि
अझै हुन्छ मनमा खुल्दुल

आमा भन्नुहुन्थ्यो
अर्काको घर जाने जात
तिमीहरूको अहिले हो काम खाने

मलाई
आमाले दिएका सबै काम सकेर
अरू थुप्रै काम गरूँ लाग्थ्यो
आमाको ज्ञानी छोरी भएर
सबैको प्रिय बनुँ हुन्थ्यो
तर, इच्छाहरूले अभिव्यक्ति पाएनन्
आफैँभित्रको मान्छे
चुपचाप आफैँसँग हुर्कियो
के म छोरी भएर जन्मेर हो रु !

वर्षौ बित्यो
केही फरक छन् हरफहरू
जीवनकथाको अनुच्छेदमा
तर उस्तै छ कथा ।

आज
कर्तव्य र जिम्मेवारी सकेर
समय निकाल्छु
र, कोर्छु
मनभित्रका केही भावहरू
अनुत्तरित प्रश्नहरू मलाई औँला ठड्याउँछन्
समयसँग हार्न मान्दैनन्

यतिखेर जीवनको कठघरामा उभिएर
आफैँलाई सोध्न मन लाग्छ
भात, तरकारी र दाल डढेजस्तै
के इच्छाहरू डढनुपर्छ ?

आफू जन्मेको घर आफ्नो नहुने
छोरी हुनुको सजाय कसले बनायो ?
घर नहुनु !
थर नहुनु !!
आफ्नै अस्तित्वको लागि
एक्लै
आफैसँग युद्ध कहिलेसम्म गरिरहनु !

दिनहरू उत्तरदायित्व बोकेरै आउँछन्
चुल्हाचौकादेखि चोटा हुँदै जागिरसम्म
रातहरू
चुपचाप हक जताएर
कुनै पनि समय
बलात्कार गरेर जान्छन्
त्यही दिन र रातको समयबाट समय चोरेर,
आमालाई छकाएर,
टेबलमुनि लाल्टिन बालेर पढेजस्तो
यो झलमल्ल शहरमा
आफ्नै मनको दियो निभ्न नदिएर
आफैँलाई पढिरहेछु

त्यो बेलादेखि यो बेलासम्म
मैले
मलाई नै खोजिरहेको रहेछु ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: