क्वारेन्टाइनमै सामूहिक बलात्कार, तीन जना पक्राउ


प्रकाशित मिति :2020-06-14 22:41:41

–महिला खबर–

ललितपुर । क्वारेन्टाइनमा रहेकी एक महिलामाथि सामूहिक बलात्कार भएको छ । कैलालीको लम्कीचुहा नगरपालिका वडा नम्वर १ स्थित शहीद स्मृति माविको क्वारेन्टाइनमा रहेकी ३१ वर्षीया महिलामाथि शनिबार राति सामूहिक बलात्कार भएको हो ।

पीडित महिलाका अनुसार उनलाई सोही क्वारेन्टाइनमा स्वयंसेवक र स्वास्थ्यकर्मी रहेका तीन जनाले पालैपालो बलात्कार गरेका हुन् ।

कसैलाई भने यो भिडियो भाइरल गरिदिन्छौं भन्दै एउटाले मोबाइलमा भिडियो खिचेको र अरुले पालैपालो बलात्कार गरेको महिलाको आरोप छ ।

१२ दिनअघि भारतको बैंङ्ग्लोरबाट आएकी ती महिलाका अनुसार उनीसँगै कोठामा बसेकाहरु परीक्षण गरेर घर गइसकेका थिए । कोठामा आफू एक्लै हुँदा डर लागेको बताएपछि अर्को कोठामा जान अनुमति दिइएको तर आफू गएको कोठाको ढोकामा चुकुल नभएको बताउँदा ढोकामा बेञ्च राखेर सुत्न सल्लाह दिएपछि आफूले त्यसै गरेको उनले बताइन् ।

मध्यरातमा आफू टाउको दुखेर सुतिरहेको बेला लगातार झ्याल र ढोका ढकढक गर्दै खोल्न भनेको र आफूले धेरै भए पुलिसलाई भन्छु भनी धम्की दिँदा पनि ढोकय खोल भन्न नछोडेपछि किन यस्तो गरे भनेर ढोका खोल्दा अर्को कोठामा लगेर बलात्कार गरेको उनले बताएकी छन् ।

महिलाले आफूमाथि बलात्कार भएको सार्वजनिक गरेपछि आज स्थानीयले दिनभर लम्कीमा प्रदर्शन गर्नुका साथै लम्कीचुहा नगरपालिका वडा नम्बर १ को वडा कार्यालय समेत तोडफोड गरेका छन् । स्थानीयको दवावपछि प्रहरीले बलात्कार आरोपमा तीन जनालाई पक्राउ गरेको छ । पक्राउ पर्नेमा सर्जन विक, लक्ष्मण परियार र किशोर परियार छन् ।

केही नेताको सक्रियतामा बलात्कारीलाई जोगाउने चलखेल भइरहेको आरोप स्थानीयको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: