७ वर्षीया बालिका बलात्कारको आरोप लागेका वृद्ध १२ दिनमै छुटे, पीडित झनै पीडामा


प्रकाशित मिति :2020-06-20 16:50:46

-महिला खबर-

कैलाली । ७ वर्षीया बालिका बलात्कार गरेको आरोप लागेका कैलालीको गौरीगंगा नगरपालिका वडा नम्बर ४ का ८० वर्षीय वृद्ध बालाराम सुवेदी धरौटीमा रिहा भएका छन्।

गएको जेठ ११ गते आफ्नै नतिनी संगै खेलिरहेकी नातिनीकी साथीलाई दिउँसो करिब ३ बजेतिर घरमा कोही नभएको मौकामा वृद्ध बालारामले बलात्कार गरेको आरोप छ ।

बालिकाले पिसाव फेर्न गाह्रो भएपछि मात्रै आमालाई घाउ देखाएकी थिइन् । बालिकाको योनी सुनन्नएको देखेपछि आमाले कमिलाले टोकेको भनेर तेल लगाई दिएकी थिइन् । तर, दोस्रो दिन धेरै दुखेको भन्दै बालिका रोएपछि सोधपुछ गर्दा बालिकाले घटना बारे बताएकी थिइन् ।

घटनाबारे थाहा पाएपछि बालिकाको परिवारले १४ जेठमा मालाखेती ईलाका प्रहरी कार्यालयमा किटानी जाहेरी दिएका थिए । घटना सार्वजनिक भएपछि पीडक वृद्धले आफै घरमा आएर कति रुपैयाँ चाहिन्छ मिलापत्र गरौं भन्दै बालिकाको परिवारलाई पैसाको लोभ समेत देखाएको पीडित परिवारको आरोप छ ।

बलात्कारी आरोपित सुवेदीलाई जिल्ला अदालत कैलालीका न्यायाधीश कृष्णप्रसाद नेपालको आदेशमा कोरोना महामारीको अवस्था र उमेर हदबन्दीको कारण देखाई १२ दिनभित्रै ५० हजार धरौटीमा रिहा गरिएको हो ।

बालिकाका आफन्तले उमेर हदबन्दी लागे पनि छोटो समयमै थोरै जरीवानामा बलात्कारी रिहा भएको भन्दै असन्तुष्टी जनाएका छन्। पीडितका आफन्तले अपराधीलाई प्रशासनले नै संरक्षण दिएको आरोप लगाएका छन् ।

बालिकाको शारीरिक परीक्षण प्रतिवेदनमा योनीमा यौनजन्य पदार्थ थुप्रिएको र च्यातिएको भन्ने उल्लेख छ । स्वास्थ्य प्रतिवेदनले उनको योनीमा चोट लागेको प्रमाणित गरे गरेको छ । तर जिल्ला अदालतको मिसिलमा भने पर्याप्त प्रमाण नदेखिएको भन्दै पीडक सुवेदीलाई २७ जेठमा धरौटीमा रिहा गर्न आदेश दिइएको हो ।

‘हामीसंग थुप्रै प्रमाण हुँदाहुँदै पनि कानूनले हामीमाथि छलकपट गर्‍यो, न्यायको पखाईमा अदालत धायौं । तर अदालतले नै हामीमाथि ठूलो अन्याय ग¥यो । यति छोटो समयमा बलात्कारी छुटेर आउँदा थप डर लागेको छ ।’, पीडितकी आमाले भनिन् ।

बलात्कार आरोपीत वृद्धलाई थुनामा राखेर मुद्दाको पुर्पक्ष गर्न मनासिव नदेखिएको भन्दै ५० हजार रुपैयाँ धरौटी लिएर तारेखमा छाडिएको अदालतले जनाएको छ । घटनापछि बालिका मानसिक रुपमा अस्वस्थ देखिएको परिवारले जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: