पेटभित्रै शिशुको मृत्यु भएपछि गर्भवतीको हवाई उद्धार


प्रकाशित मिति :2020-06-24 14:50:43

–महिला खबर–

ललितपुर । खोटाङकी एक गर्भवतीको हवाई उद्धार गरि थप उपचारका लागि काठमाडौं ल्याइएको छ ।

पेटभित्रै शिशुको मृत्यु भएपछि गम्भीर बिरामी परेकी केपीलासगढी गाउँपालिका–२ कि मन्दिरा विश्वकर्मालाई थप उपचारका लागि हेलिकप्टरबाट काठमाडौं ल्याइएको हो ।

गत सोमबार (८ गते) राति सुत्केरी व्यथाले च्यापेपछि जिल्ला अस्पताल खोटाङमा भर्ना भएकी मन्दिराको पेटमै शिशु मृत अवस्थामा रहेको पाइए पछि उपचारका लागि मंगलबार अपरान्ह (हिजो) काठमाडौं ‘रिफर’गरिएको अस्पतालका मेडिकल अधिकृत डा. नारायण बरालले जानकारी दिए । अहिले उनको थापाथलीस्थित परोपकार प्रसूति गृह तथा स्त्री रोग अस्पतालमा उपचार भईरहेको छ ।

सुत्केरी व्यथाले च्यापेर सिकिस्त भएकी उनलाई निःशुल्क हवाई उद्धार गरी उपचारको व्यवस्था मिलाइएको महिला, बालबालिका तथा ज्येष्ठ नागरिक मन्त्रालय अन्तरगतको राष्ट्रपति महिला उत्थान समन्वय इकाइकी प्रमुख अञ्जु ढुंगानाले बताइन् ।

राष्ट्रपति महिला उत्थान कार्यक्रमले दुर्गम क्षेत्रका ज्यान जोखिममा परेका गर्भवती तथा सुत्केरी महिलाहरुलाई निःशुल्क हवाई उद्धार गर्दै आएको छ । लकडाउनको यस अवधिमा मात्रै १८ जना गर्भवती तथा सुत्केरीहरुको उद्धार गरिएको पनि ईकाई प्रमुख ढुंगानाले जानकारी दिइन् ।

यसैबीच, महिला, बालबालिका तथा ज्येष्ठ नागरिकमन्त्री पार्वत गुरुङले ज्यान जोखिममा परेका गर्भवती तथा सुत्केरीमा कुनै समस्या देखिएमा तत्काल नजिकको स्वास्थ्य संस्था वा स्थानीय तहलाई सम्पर्क गरेर उनीहरुको जीवन रक्षाका लागि पहल गरिदिन सबैलाई पुनःआह्वान गरेका छन् ।

मन्त्रालयले सम्बन्धित जिल्ला प्रमुख जिल्ला अधिकारी, स्थानीय तह वा स्वास्थ्य संस्थाको सिफारिसमा दुर्गम क्षेत्रका ज्यान जोखिममा परेका उनीहरुको निःशुल्क हवाई उद्धार गर्दछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: