उद्यमी महिलालाई अनलाइन बजारीकरण र ऋणमा समस्या


प्रकाशित मिति :2020-09-17 19:30:00

-महिला खबर-

कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको महिला उद्यमीले बताएका छन् । महिला उद्यमी महासंघ नेपालले आयोजना गरेको अनलाइन प्रेस बैठकमा बोल्दै उनीहरुले आफ्ना समस्या राखे ।

कोरोनापछि व्यापार गर्ने महिलाका लागि ऋण दिने भने पनि त्यसको लागि प्रपोजल लगायतका कुरामा सामान्य उद्यमीको पहुँच नहुँनाले समस्या भएको महासंघकी अध्यक्ष रिता सिंहले बताइन् । भनिन्, ‘ऋण लिने वातावरण सहज भए महिलालाई व्यवसायमा टिक्न सजिलो हुने थियो ।’ कार्यक्रममा संस्थाकी द्वितीय उपाध्यक्ष शोभा ज्ञवालीले सञ्चारमार्फत सकारात्मक सन्देश फैलाएर आशाको संभावना खोज्नुपर्ने बताइन् । भनिन्, ‘विपतमा मिडियाको भूमिका महत्वपुर्ण हुन्छ । आज हामीले बाँच्न सिकायौं भने प्रगती गर्न सक्छौं ।’

उपत्यकामा १ सय २५ उद्यमी रहेको महासंघको ५० वटा जिल्ला शाखा छन् । अहिले गाउँमा बजारीकरणको समस्या भएकोले अनलाइन बजारीकरणमा तालिम दिएको संस्थाकी कार्यकारी निर्देशक अनामिका सिंह भण्डारीले जानकारी दिइन् । यस्तो समयमा पनि आफुहरुले कसरी काम गर्न सकिन्छ र जिल्लासम्म कसरी उद्यमी महिला बनाउने भन्नेमा आफुहरु लागेको प्रथम उपाध्यक्ष निरु खत्रीले बताइन् ।

उद्यमशीलता विकास कोष सरकारले बनाए पनि चाहेको जस्तो सजिलो नभएको कारण व्यवहारिकतामा ध्यान दिनुपर्नेमा संस्थाकी तृतीय उपाध्यक्ष दर्शना श्रेष्ठको सुझाव छ । कर्मचारीको रोजीरोटीको लागि पनि आफुहरुले जोखिम मोलेर कोरोनाको समयमा काम गरिरहेको चतुर्थ उपाध्यक्ष हजुरी विष्टले बताइन् । भनिन्, ‘हामीसँग धेरैको रोजगारी जोडिएको छ ।’ महिलाले अझ कर्मचारीको संवेदना बुझेर कामबाट निकाल्न नसक्ने कारण महिलाले चलाएका व्यवसायलाई सबैले सहयोग गर्नुपर्ने उनीहरुको माग थियो । संस्थाकी सचिव बसन्ती प्रधानले आफुहरु ऋण लिन जाँदा तपाईंहरु जस्ता खान पुग्ने महिलाको लागि होइन भन्ने जवाफ पाएको बताइन् । भनिन्, ‘हामीले त सकेका छैनौं ऋणको प्रक्रिया पु¥याउन अझ ग्रामिण महिलालाई समस्या भएको र यसलाई सजिलो बनाउन पर्छ ।’ कार्यक्रममा बोल्दै सञ्चारिका समूहकी अध्यक्ष नितु पण्डितले महिला उद्यमी समय अनुसार चल्नुपर्ने बताइन् र भनिन्, ‘हामीले संकटमा व्यवसाय कसरी चलाउने र त्यसको व्यवसायीकरणमा आधुनिकता ल्याउनुपर्छ ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: