छोरी


प्रकाशित मिति :2020-09-28 08:27:45

-अन्शु खनाल-

प्यारी छोरी
जन्मनु आफैमा जित्नु हो
यसमानेमा जिन्दगीको सुरुवात जित बाटै गरेकी हौ तिमीले पनि ।

प्यारी छोरी
तिमिलाई याद होला जब तिमी सानै थियौ
हामी तास खेली रहदा
खेल्न नजान्दा नजान्दै पनि तिमी जित्थेउ नि।
हो तिमीलाई मैले कहिले भनिन
तर म सधै जानि जानि हार्न रुचाउथे।
मानौ जसरी बादल जानी जानी बुदहरु खसाउछ
ताकी बुदहरु समुन्द्र बन्न सकुन।

छोरी
बिउ विस्तारै पालुवा
पालुवा बिस्तारै बोट भएर फुलेको देखे देखी हो
मलाई तिमी पुतलिमामा रुपान्तरण भएको
चरा झै पखेटाहरु फैलाएको देख्ने रहर बढेको
त्यसैले त मैले बारि बाझो राखिन ,बाग मुर्झाउन दिइन
र मैले पिजडा पनि बनाउन लगाइन ।

म चाहन्थे
तिमी ती नाइन्टीङ्गलको हातमा बलिरहने ल्याम्प बन
जस्ले अध्यारोमा बुलुप्त भएका अनुहारहरु देखाउन सक्नेछ।

म चाहन्थे
तिमी ती म्याड क्यिुरिका आँखाहरु बन जसले पहिलो पटक देख्ने छ जीवन सम्भावनाका रेडीयम् तरङ्गहरु

म चाहन्थे
तिमी ती पासाङ लामुका पाइतला बन जसले टेक्ने छ पहिलो पटक सगरको माथी र महसुस गर्ने छ जितको तातो उर्जा ।

म चाहन्थे
तिमी ती पारिजातका औंलाहरु बन जस्ले लेख्नेछन् सडकका पेटीमा लडेका शिरिषका फूलहरुको आत्मकथा।

म चाहन्थे
तिमी छोरी बन-आमा बन।

तर
छोरी
वास्तवमै छोरी हुन सबै भन्दा कठिन
आमा हुन सबै भन्दा कठिन हुनेरहेछ क्यार?

आकाश भन्दा विशाल छाति लिएर बाच्न
पृथ्वी भन्दा धेरै आयातन भएको मुटु लिएर बाच्न
जराको वरीपरीको माटो भएर बाच्न
आँगनमा चुपचाप स्वादको निम्ति घोट्टीने सीलौटा भएर बाच्न
आउने युगलाई हुर्काउने पाठेघर बनेर बाच्न
सबै भन्दा कठिन हुनेरहेछ क्यार?
हार्न सबै भन्दा सहज हुन्छ क्यारे

नत्र
किन झोसीनौ तिमीले तिम्रो यौवनमा स्खिलित मात्र हुने लिङ्गहरुमा अगुल्टो ?
किन च्यातिनौ सेतो रङमा सति गएका मानसिक्ताहरुको बस्त्र?
किन भत्काइनौ छाउघरका पत्थरहरु?
किन थुतिनौ बिचबजारमा अस्लिल रुपमा पट्कीने जिब्रोहरु?
किन गर्न सकीनौ नपुंसक जन्मन्छ भन्ने जान्दा जान्दै छोरोको चै भ्रुणहत्या?

बरु सहजै गर्यौ
तिमीले तिम्रो गर्भाशयमा उदाएकी एकटी जुनको हत्या र लुकाएयौ उसको डेथ सर्टिफिकेट र लुकायौ दराज मुनी।
आज म त्यही सर्टिफिकेट हेर्दैछु जस्मा देखिन्छ तिम्रो मृत अनुहार ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: