यौनिजिवीहरुको कुरुप सभा


प्रकाशित मिति :2020-10-20 14:30:13

-हिरा दाहाल-

संसद भवनको देब्रेतिरको बाटोका गल्लीमा टहल्दै गर्दा
लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा अचानक मेरा आंखा टक्क अडिए
आफु पनि एक थान यौनि भिराइएर जन्माईएकी हुंदा, समाजको कुरुप बर्ग भित्रकै मानिने बर्गकि प्रतिनिधि हुंदा
मलाई पनि यस कुरुप सभामा जाउंजाउं लाग्यो
कसैले मलाई पनि यस सभामा आमन्त्रण गरीरहे जस्तो लाग्यो ।

भित्र छिर्नासाथ दायां बायां अनि वरीपरिको भिडमा हेर्दा
अ.महत्वपुर्ण ब्यक्तिहरुको खचाखच उपस्थिति र प्रमुख अतिथि देख्दा टक्क खुट्टा अडिए
आफुसंग मिल्दाजुल्दा ब्यक्तिहरुकै भिड भएको हुंदा, आफुजस्तै अनुभव गरेका बर्गको जमात भएको हुंदा
मलाई पनि केवल दर्शक मात्र नभएर अतिथि नै बन्न मन लाग्यो
उनिहरुको आवाजमा आवाज र जोशमा जांगर थप्न मन लाग्यो ।

अचिल्ला लुगा, आंसुका लतपत र असुग्घरी मईलाहरुको जमात हेर्दा
आक्रोस र रीसले भरीएको र छिया छिया भएका ह्रदयहरुको जमघट देख्दा टक्क आफ्ना मनहरु अडिए
आफ्नो जस्तै घाउ र खत भएका ब्यक्तिहरुको सभा भएको हुंदा, चोटैचोटले छिया छिया भएका ब्यक्तिको झुण्ड भएको हुंदा उनिहरुको ब्यथा सुनि घाउमा मलम लगादिन मन लाग्यो ।

यस्ता घाउ अव कहिल्यै नलागुन भनेर सपना देख्न मन लाग्यो ।
लर्बराएको शरीर,पाकेको मन बोकेर बझाड।बाट आई हिम्मत गदै बोल्दा
बोली बिचैमा रोकि त्यो बलात्कारी भुसतिघ्रेलाई अगाडि ल्याई भुईंमा बजारेको देख्दा ह्रदयमा आक्रोसका ज्वालाहरु रन्कीए
लोग्ने साईनोको त्यो पशुको मुखमा पिशाव फेर्ने उनको हिम्मत देख्दा, ससुरा नामको पशुको लिंग टुक्रयाउने उनको शाहस देख्दा
उनलाई अंगालो मारेर, खादा ओढाई खुशिले चुम्न मन लाग्यो ।
उनको जस्तै शाहस सवै महिलाहरुमा बढेको कल्पना गर्न मन लाग्यो ।

भक्तपुरमा गाडिभित्रै बलात्कृत भएकि बहिनि शाहस गरी डटेर बोल्दा
ति पापी बलात्कारीलाई गालामा झापड लगाई, जगल्टा लुछ्दै अण्डकोषलाई फुटाएको देख्दा रीसका आवेगहरु झनझन दन्कीए
यि नरपिचाशलाई सजायं दिन सकेको देख्दा, आफुलाई नर्क पुर्याउने पापीहरुलाई कमसेकम सजायं दिने उनकाृ शाहस देख्दा
उनको साहसको लागि अभिवादन गर्न मन लाग्यो ।
उनलाई यसरी नै आंट र जोश थपिदिन मन लाग्यो ।

गडगडाहट तालिले उनीहरुकोको स्वागत गरीरहेको त्यस कुरुप सभा हेर्दा
सभाका केन्द्रमा पर्ने गरी अगाडि पटी भित्तामा भुण्ड्याईएका निर्मला पन्त र सम्झनाका फोटाहरुमा टक्क आंखा अडिए
सातै प्रदेशका अतिथिहरुले आफ्ना बलात्कारीहरुलाईे सजायं दिएको दृष्य देख्दा, बलात्कारीहरुले माफी मागिरहेको दृष्य देख्दा
निर्मला र सम्झनाका फोटाहरु छुन मन लाग्यो।
कतै उनिहरुका आत्माले शान्ति पाउंदैछन कि सोध्न मन लाग्यो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: