गान्धारीहरूमा


प्रकाशित मिति :2020-11-09 12:01:09

-टीका आत्रेय-

गान्धारी धृतराष्ट्रले नजरको पर्दा उघारे तर
आँखामा किन बाँध्दछ्यौ रहरको पट्टी तिमी आखिर?

तिम्रो व्यर्थ उपासना समयको बाधा र हाँसो दुबै
आफैँबाट लुटेर दृष्टि दुनियाँ के त्याग गर्छ्यौ अझैँ?

तिम्रा सन्ततिको बलात् नियतमा दुख्दै नदुख्ने तिमी
लुटिन्छन् जब द्रौपदी अहँ कतै बोल्दै नबोल्ने तिमी

तिम्रो कायर अन्धता कुरु हुँदै बढ्दैछ संसारमा
गान्धारी कति पाल्दछ्यौ हठ गरी अन्धो स्वयं जीवन?

अन्धो रूप धरी धरी शकुनिको पासा सही ठान्दछ्यौ
नारीका परिघातमा तर तिमी अज्ञान झैँ बन्दछ्यौ

आँखा खोल र बोल सत्य मनमा गाँठो परेको भए
गान्धारी अतिवाद छोड घरको उत्थान सोच्ने भए

बाँधिन्छन् पशुतुल्य स्त्री घरघरै संस्कारका ढोङमा
टुक्रिन्छन् रजबाट भ्रूण सपना छोरीहरू गर्भमा

“बोक्सी”को अपराध पाशविकता आमाहरूमा हुँदा
गान्धारी अझ खोल्दिनौ नजर ती संस्कार बौलाउँदा

तिम्रो जीवनको खुला हृदयमा पर्खाल आफैँ तिमी
न्यानो घाम उदाउने सगरमा आफैँ अँध्यारो तिमी

अर्काको भरमा हिँडी विजयको के स्वप्न देखिन्छ र?
गान्धारी अब लक्ष्य भेट्नुछ भने आँखा उघारी हिँड।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: