च्याति दिँउ भ्रमको साम्राज्य


प्रकाशित मिति :2020-11-22 10:09:46

-प्रेमिला राई-

उहिले सर्वहाराको गीत गाउनेहरू
आज पनि उहीँ माटोमा
उस्तरी नै
उहीँ भाका, उहीँ लयमा
उहीँ भुइमान्छेका गीतहरू गाइरहेछन
त्यो गीतको छाती टेकेर उभिनेहरू
आज सत्ताको सोपानमा विराजमान छ ।

हिजो स्वतन्त्रताको कविता लेख्नेहरू
आज पनि उस्तै कविता लेखिरहेछन्
कोरिरहेछन् उहीँ उत्पिडित वर्गका बिम्बहरू
समेटिरहेछन् पिँधका मान्छेहरूको आवाज
कत्तिले त अक्षरको अपराधमा चढाए आफ्नो शरीर
खैर त्यहीँ कविताको ढाँडमा टेकेर उक्लिनेहरू
आज सत्ताको सोपानमा विराजमान छ ।

हिजो मुक्तिको खातिर लड्नेहरूलाई
वस्तीमा बास दिनेहरू
आज पनि हरेक साँझ टहलिदै चौतारीमा
मुक्ती आउने बाटो पर्खिरहेछन्
पर्खिरहेछन् फेरिने यो वस्तीको अनुहार
यी निर्दोष मुटुमाथि टेकिजानेहरू
आज चुपचाप सत्ताको सोपानमा विराजमान छ ।

भर्खरै उहीँ ईश्वरलाई चढाएको हो औँठाछाप
मनाएको हो विजयोत्सव
जोडजोडले पड्काएको हो ताली
मान्छेलाई ईश्वर ठानेर ईश्वरप्रति विश्वास राख्नेहरू
आज पनि ईश्वर आउने बाटो हेरिरहेछन्
पर्खिरहेछन् ईश्वरको चमत्कार
यी निर्दोष आँखाहरूमाथि छलिजाने दलाल
आज चुपचाप सत्ताको सोपानमा विराजमान छ ।

गाउँमा आमा पर्खिरहेछिन्
उज्यालो बोकि आउने मान्छेहरू
गाउँको अगेनुबाट अगुल्ठो बोकेर हिँडेकाहरू
आज गाउँकै छानोमा अगुल्ठो झोसेर
सेकिरहेछ आङ
यी निस्वार्थ दिल भत्काइजानेहरू
निसन्देह सत्ताको सोपानमा विराजमान छ ।

सत्ताको मातले होस बेहोस धर्मराइरहेछ दलाल
अब कहिलेसम्म गाइरहने हो
“गरिबको चमेली बोल्दिने कोइ छैन”
कहिलेसम्म चढाउनुपर्ने अक्षर अपराधमा शीर ?
कहिलेसम्म ओढीरहनुपर्ने भ्रमको आकाश
भो छोडेर आऊ ती गीतका धुनहरू उतै
च्यातिदिँउ भ्रमको साम्राज्य ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: