मखमली सम्झना


प्रकाशित मिति :2020-11-22 12:16:05

-सुष्मा रानाहँमा-

घुमाउथिन् आमाले,आफैँ झैं पिसिएको पिठोको फन्के रोटी
मन आफैं घुम्थ्यो उमंगको जस्केला वरिपरी
धानका बाला झुलेर खेतका गह्राहरु
मास पाकेर आलीहरु रमाउदै गर्दा
उसो त बारीका कान्लाहरु,
आगन डिलहरुलाई हसाइरहेका हुन्थे
फुलेका ति सयपत्री,गोदावरी,मखमलीहरुले ।

यतिबेला कता पुगिन् होली जीवन भट्याउदै भैलेनीहरु?
हो उनीहरुलाई नै पछ्याउन मन छ
त्यही गोरेटोहरुमा।
औंशीको रातमा बल्ने ती उज्याला सलेदो वाला कुपिहरुले बोलाएका दिपावलीमा
फेरी रम्ने मन छ
त्यत्रै भएर, त्यस्तै भएर ।
बलिराजाले पठाएकाहरुले
भट्टाएका देउसिरे,दिएका आशिष्
त्यही सिकुवामा उभिएर अझैं सुन्न मन छ ।

पटकाहरु पट्काएर जति खुशी हुन्थियौं हामी त्यतिबेला
आफै मनमा बज्ने पटेकाहरुले त्यतिनै दुखाइरहेकोछ,यतिबेला
हो,झिलीमिली छ यो शहर
यहाँ सधैं साँझहरु श्रींगारिन्छन् दिपावली बनेर

तर !
साथमा छैनन् मेरा दाजुभाई !
आरोहरअवरोह हरुमा फुल्ने
पुष्प गुच्छाहरुको केही मालाहरु जिन्दगीको धागोमा उनियो
सप्तरंगी इन्द्रेणीहरु खोलातीरमा देखिएजस्तै
भीरमा पनि देखियो ।
सालुन्ने आइदिन्छ घुम्दै-घुम्दै भाइटिका
सधैं दिपावलीझैं श्रींगारिएको शहरमा
तर ! साथमा छैनन् मेरा दाजुभाई !
नटुटोस् जीवनमा उत्साहको सप्तरंगी
नफुटोस् सम्बन्धको धैर्यता,ओखर जस्तै
म जहाँ छु त्यहीबाट उनिदिएकीछु,कहिल्यै नओइलिने मखमली सम्झनाहरुका माला मेरा दाजुभाइहरुलाई।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: