गैर सरकारी एकान्तबास


प्रकाशित मिति :2020-11-28 17:48:23

-मिश्र वैजयन्ती-

सबभन्दा मायालाग्दो देखिएको छ
भर्खरै किनेको
बुट्टेदार सिरानीको खोल ।
सिउनी जिउँका त्यूँ छ
दुरुस्त छ झल्लरी
तर च्यातिएको छ खोलको पेट ।
कस्तरी च्यात्तिएको सिरानीको खोल !!
धस्केको छ झुत्रो हुने गरि
घोटीघोटी धुँदा पनि
जाँदैन व्यथाको कस ।
कोविडले जकडेको छ मानव जीवन ।

कोविडले जकडेको छ मानव जीवन कि
जकडेको छ हल्लाको दंसले ?
उसको सिरानीले भन्छ
भोकसँग भित्रिँदैछ
विश्वको मृत्युु चेतना उसको घरमा ।

रोएजस्ता छन् सपनाहरू
धर्सैधर्सा छन्
अभाव र निकासका ऐँठनले ।
स्टेथेस्कोप किनेको पहिलो दिन
उसले बारम्बार
सडक र मोबाइलको घन्टी हेरेको थियो ।
कतै नआवस् बैंक र साहू ।

सम्झाएर बढो हिम्मतले
जहान छोराछोरीहरूलाई
बाबू, खाँबो, भरोसा
सपनाको आड बनेको थियो ऊ ।
ढुङ्गा बनाउँदा बनाउँदा छातीलाई
ढुङ्गैजस्तो चिसो हुन खोज्थ्यो ऊ ।
पटक पटक छातीमा राखेर हात
चिम्लन्थ्यो आँखा
र घुटुक्क निल्थ्यो सपनाको रस ।

‘यति यति पानी घे घे रानी
यताबाट जाऊँ हुँदैन
उताबाट जाउँ हुँदैन ।’
धन्य छन् यी बालबालिकाहरू
जसले जाने सामाजिक कथा ।

आफ्नै जीवनका पहाडमा उभिन्थ्यो ऊ
कैयौँ पटक हाम फालेर आगामा
आगैको सास फेरेर बाँच्तै थियो ।

अनेकपटक भन्न थालेको थियो उसले
म श्रापित पुरुष ।
भोकै मारिरहेछु परिवारलाई
श्रमले आफैँ किचिएर मरिरहँदा पनि ।
भतभती पोलेर टाउको
झिक्थ्यो शिरबाट टोपी
जसलाई चढाएको थियो
वहाँ हजुरका पाउमा ।
यस्तो भतभती पोल्छ टाउको कि
कसरी लाउन सक्छन् हँ तिनले टोपी ??
हजारपटक सोधिसकेको थियो प्रश्न
आफ्नै टाउकालाई
किन घोकेन लोकसेवा आयोगका प्रश्न ?
ठोकेर अवसरका भित्तामा आफ्नै निधार
सोधेको थियो प्रश्न
किन पहिरेन सरकारी रातो सिन्दुर समयमै ??

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: